甜圓坊

Open Now

Now Closed

外面望落去好似好簡陋，但係又坐滿人，老公想食刨冰，見佢有，就入去試吓啦，座位方面係比較狹窄嘅， Menu都好似好少嘢食，但係價錢都好抵，所以決定一試。一上枱個剉冰真係驚喜，$45居然有咁大兜，分量十足，材料豐富，仲有薏米感覺好健康，啲冰唔係只係水整，應該係用咗煉奶水整，食落去會甜甜地，唔會食到尾冇味，加埋唔同配料，夏天食一流！值得推介！不過佢有人均消費$30 ，我哋兩個人，所以就嗌咗珍珠奶茶同埋鹽酥雞，個鹽酥雞好好食，脆卜卜，裏面又好Juice，唔會話好油膩，外脆內軟。珍珠奶茶就普普通通，$23都可以接受。價錢好抵，性價比高，又唔駛加一，佢仲有飯同蛋餅，下次可以再試。