Video
Read full review
2010-01-04
58 views
係將軍澳行完山, 我地就去左新都城食晏喇.一早就plan好要黎上海婆婆度試下, 因為食評都唔錯.我地一行6人, 叫左成十款菜!!!生煎窩貼 - 3隻$22ok啦, 普普通通, 冇乜特別香煎素鵝 - $38幾好味, 係d餡少左d花雕醉雞 - $52睇落唔錯, 我阿哥都話ok. 我就唔好呢味,所以一件都冇食蔥花家常薄餅 - 4件$32都幾香蔥味, 又唔會太油. 我地再點埋水煮魚既湯食, 一流呀!上湯小籠包 - 4隻$25都係好普遍, no comment水煮魚片 - $58好味!!! 全家都話正!!! 個麻辣味啱啱好, 唔會太辣, 又唔會太麻.個汁真係好開胃! 如果可以, 真係想淨係打包個汁番屋企煮麵食, 一定好味!略嫌薯粉太少, 可以多d, 因為配埋個汁, 真係好好味!泡椒大蝦球 - $88個汁同水煮魚o個個冇乜分別. 不過個蝦球就好唔掂!冇鮮味, 而且太彈牙, 感覺得到係"啤"水"啤得耐得制!總之, 成個感覺就唔新鮮, 口感好"人造"!鱔糊粗炒 - $52呢個ok, 鱔糊唔腥. 味道可以, 唔會太咸.四川雞柳炒年糕 - $48太咸啦! 咸到入唔到口! 忍唔住問個經理可以換左佢, 因為真
一早就plan好要黎上海婆婆度試下, 因為食評都唔錯.
我地一行6人, 叫左成十款菜!!!
生煎窩貼 - 3隻$22
ok啦, 普普通通, 冇乜特別
香煎素鵝 - $38
幾好味, 係d餡少左d
花雕醉雞 - $52
睇落唔錯, 我阿哥都話ok. 我就唔好呢味,所以一件都冇食
蔥花家常薄餅 - 4件$32
都幾香蔥味, 又唔會太油. 我地再點埋水煮魚既湯食, 一流呀!
上湯小籠包 - 4隻$25
都係好普遍, no comment
水煮魚片 - $58
好味!!! 全家都話正!!! 個麻辣味啱啱好, 唔會太辣, 又唔會太麻.
個汁真係好開胃! 如果可以, 真係想淨係打包個汁番屋企煮麵食, 一定好味!
略嫌薯粉太少, 可以多d, 因為配埋個汁, 真係好好味!
泡椒大蝦球 - $88
個汁同水煮魚o個個冇乜分別. 不過個蝦球就好唔掂!
冇鮮味, 而且太彈牙, 感覺得到係"啤"水"啤得耐得制!
總之, 成個感覺就唔新鮮, 口感好"人造"!
鱔糊粗炒 - $52
呢個ok, 鱔糊唔腥. 味道可以, 唔會太咸.
四川雞柳炒年糕 - $48
太咸啦! 咸到入唔到口! 忍唔住問個經理可以換左佢, 因為真係食唔落.
結果佢收走, 亦跟進話師傅試過都agree我地, 所以同意換過碟俾我地. 服務態度唔錯! 加分!
松子魚 - $108
這個都不錯, 個酸甜好開胃, 送飯一流! 不過貴左d, 因為都唔係好大條...
雪菜肉絲炒年糕 - $45
呢個replace個四川炒年糕. 雪菜新鮮, 不過比起我地之前既菜, 呢個個味偏淡. 可能廚房都就住就住, 驚再complain. 不過其實係夠味既.
其實上海菜就係味濃, 所以我都唔覺得上海婆婆煮得比其他上海餐廳濃.
整體唔錯! 會再幫襯, 因為下次想試下d麵食~
Post
