麻辣派對 (金百利廣場) (Closed)

去維園睇中秋燈飾，諗住喺附近銅鑼灣食嘢，OpenRice見到這一間麻辣派對喺地鐵站隔離，非常方便。而且用OpenRice Booking，仲有九折優惠。裝修都幾有型格。見OpenRice好多推介水煮魚，叫咗一個「水煮黑魚」，「黑魚」通常喺街市見到都會叫「生魚」。侍應叔叔問我哋係咪可以食辣？如果唔太食得，首先要個BB辣度，辣度分四種，有BB辣，小辣，中辣，大辣。如果覺得唔夠辣，見枱面仲有一樽魔鬼辣。真係唔敢輕易嘗試「水煮黑魚」$228，分量都頗多，味道鮮。每一片魚片都很大塊，肉很厚，有芽菜，魔芋…… BB辣都幾辣，如果真係唔食得辣，真係唔好嘗試BB辣以上。「椒燒小皮蛋」$68，醬汁非常香，有黑醋，酸酸辣辣，很開胃。「鮮椒爽脆生腸」$78，生腸很脆，加上麻辣椒油，味道很鮮，很少食到咁脆口的生腸，好食😋水果茶$38，有很多種不同的水果，水果份量很多，很大一杯，味道很甜，唔錯。OpenRice book位有九折優惠，份量都足夠，在銅鑼灣這個租金咁貴的地方，實在唔算昂貴。總括來說，食物味道質素不錯，侍應叔叔招呼也OK，還見同場很多說國語的朋友去食，應該味道都算地道。