UCC Vienna Cafe

Open Now

Now Closed

經歷左上幾次唔開心既遭遇後，食物等勁耐、環境勁嘈，最重要係唔好食囉 ﹗但今日同事們想去食平安 lunch，無緊要，我比多次機會 UCC，睇睇一年後又變成點啦 ﹗居然爆場要係門口排隊等位，非常多自由行囉。waitress 姐姐話今日好忙所以食物出得較耐，不如 order 左先啦，咁坐低好快有得食。讚 ﹗麻煩您喇。好采今日坐右邊舖，唔洗坐左邊個山洞，回音勁，特別嘈 ﹗墨魚汁本菇魷魚意粉，嘩 ﹗熱辣辣香噴噴出晒煙咁上枱呀 ﹗眼到都開心 ﹗即刻放入口，剛剛燙咀既溫度最好食 ﹗墨魚汁又香又濃，滑滑的，味道剛剛好，好味喎 ﹗本菇爽口、魷魚嚥韌彈牙 ﹗雖然依個意粉好簡單，但今次超乎想像地滿意，Good ﹗但 lunch 幾個鐘後，點解咁鬼頸渴既？無理由連個墨魚汁都落味精掛？UCC 真係唔平架，閒閒地都要成百蚊個 lunch，今日平安夜無所謂啦，Merry Christmas ﹗