Video
Read full review
2024-07-27
118 views
身為ARMY同BT21嘅fans仔，每次去日韓都會搜羅佢哋嘅精品玩具，知道東薈城呢個夏天同BT21有聯成，即刻約人去先，順便試埋餐廳期間限定嘅BT21 Menu~ 餐廳內外都有特別佈置過，好多BT21嘅打卡位，仲有齊晒七隻公仔陪住你食飯添~ 🔘BT21系列：芝士炸豬排魔法蛋包飯用白飯整成嘅RJ，毫無違和感，因為佢本身都係白雪雪，蛋包飯係餐廳嘅招牌菜，蛋香滑加上咖喱汁撈飯食一流，芝士炸豬扒嘅芝士都好澎湃，半溶狀態~🔘BT21系列 : 朱古力魔法甜點Shooky化身成朱古力卷蛋，可愛度爆燈，卷蛋唔會太甜，濕潤鬆軟，加埋Tiramisu Croffle，成個甜品賣相味道俱備，必點呀~ 😍😍🔘BT21系列 : 魔幻星空蝶豆花蘇打成杯飲品好靚，顏色有漸變效果，爆汁珠珠亦好加分~🔘無骨炸雞一份大力推介柑橘口味，個醬汁好正，炸雞炸粉唔厚，香口酥脆，而且雞肉好嫩，忍唔住一口接一口咁食，芝士味冇想像中咁滯，炸雞下面有好多薯條都好好食~🔘辛辣肉醬年糕類似肉醬意粉嘅醬汁，同韓國公仔麵都幾夾，每條麵條都掛滿醬汁，酸酸甜甜加上芝士香，幾好食~🔘白桃甜蜜梳打加咗少少白桃果肉粒粒，唔太甜~ 食完飯記得去埋喺東薈城
餐廳內外都有特別佈置過，好多BT21嘅打卡位，仲有齊晒七隻公仔陪住你食飯添~
🔘BT21系列：芝士炸豬排魔法蛋包飯
用白飯整成嘅RJ，毫無違和感，因為佢本身都係白雪雪，蛋包飯係餐廳嘅招牌菜，蛋香滑加上咖喱汁撈飯食一流，芝士炸豬扒嘅芝士都好澎湃，半溶狀態~
🔘BT21系列 : 朱古力魔法甜點
Shooky化身成朱古力卷蛋，可愛度爆燈，卷蛋唔會太甜，濕潤鬆軟，加埋Tiramisu Croffle，成個甜品賣相味道俱備，必點呀~ 😍😍
🔘BT21系列 : 魔幻星空蝶豆花蘇打
成杯飲品好靚，顏色有漸變效果，爆汁珠珠亦好加分~
🔘無骨炸雞一份
大力推介柑橘口味，個醬汁好正，炸雞炸粉唔厚，香口酥脆，而且雞肉好嫩，忍唔住一口接一口咁食，芝士味冇想像中咁滯，炸雞下面有好多薯條都好好食~
🔘辛辣肉醬年糕
類似肉醬意粉嘅醬汁，同韓國公仔麵都幾夾，每條麵條都掛滿醬汁，酸酸甜甜加上芝士香，幾好食~
🔘白桃甜蜜梳打
加咗少少白桃果肉粒粒，唔太甜~
食完飯記得去埋喺東薈城嘅Souvenir Shop同埋影相打卡位，唔執輸都買咗少少嘢~ 😄😄
Post
