隼 (Closed)

隼香港嘅壽司店開到成行成市，要突圍而出，就要靠壽司款式多元化，材料嘅質素，同埋主題餐廳的創意。MegaBox嘅隼壽司款式多元化，更有其他熱食，同甜品等等。盛岡冷麵，冷麵清爽口感，帶點嚼勁。茶碗蒸，燉蛋嫩滑。三文魚腩壽司，赤蝦壽司，都係香港人嘅至愛，魚肉肥美。而近年更興起赤燒壽司，今晚嘅赤燒芝士凡立貝同埋赤燒黑松露洋風三文魚壽司，令芝士同黑松露嘅香味更加濃郁突出，襯托海鮮滋味。而且燒左口魚裙邊，魚油脂喺口中爆出，非常享受。隼壽司嘅海膽系列同樣出色，今晚嘅海膽軍艦，滿口海膽確實係非一般嘅享受。而海膽花之戀集合海膽同三文魚刺身於一身，幸福感覺滿寫。甜品芝士蛋糕，比較結實嘅芝士蛋糕，卻不乏牛奶芝士香濃味道。