陶園燒臘飯店 (Closed)

久唔久就會好想食燒味😆放工經過呢間燒味店，望落幾靚，而且又幾多人買，吸引到我買左兩份翻屋企加餸。鹵水鵝本身想食燒鵝，但見呢個鹵水鵝好似係新野，而且比起燒鵝應該無咁熱氣同肥膩，就揀左鹵水鵝～鵝有分上裝同下裝，師傅話上裝會比較多肉，可以切到比較多肉片。而下裝會稍為多骨，鐘意啃骨既我當然就會揀下裝啦！鵝肉又香又滑，超正😍又係唔洗點醬同鹵水汁已經好好食，又唔會太肥。鹽焗雞比起油雞切雞，我就更喜歡食鹽焗雞😍雞肉又係整到超～滑～皮下脂肪唔多，睇黎隻雞都幾健康😆唔會太咸，味道恰到好處。有附蔥油，但係我又係覺得完全唔洗點都已經好好食。主要係肉質太好～