Video
Read full review
2023-03-02
93 views
成日食日本餐嘅你都知，食個omakase 真心唔平，出名嘅都要最少千幾二千，好多人真係唔會想食一餐咁貴。但去壽司郎，又或者千両，雖然價錢平啲，但都唔係廚司發辦，只係迴轉壽司；要食得好少少，都要五百幾。你有冇諗過五百蚊都可以食到質素好嘅日本omakase？係時候介紹間好餐廳俾你。位於銅鑼灣名店街有間可以食$498一位的omakase，你會話，咁平唔會好，咁一齊睇吓食啲乜。先上茶碗蒸，滑滑嘅蛋，蒸得唔錯。由於呢到有埋大湖清酒同佢合作一齊pairing，咁就叫埋酒，大湖大吟釀，傳統薰酒，開胃一流。日本高糖番茄真心好甜，係平常少見的種類。磯煮鮑魚煮得好入味，有埋個肝醬送，多啲飯就仲好。突如其來嘅金鯛立鱗燒，暖下胃都幾好。之後係要點，日本北海道兵庫縣室津真蠔，大拖羅同北海道帆立貝都咁正，真蠔平時一隻都五十，夫復何求。件拖羅油香一流，好得。轉大湖純米大吟釀，更甜更香。真鯛壽司同深海池魚壽司，好傳統的壽司。炙燒鰈魚裙邊係我全晚最愛。羽太壽司夠特別送上大湖特別純米酒，再來個紫蘇文甲魷魚壽司，赤貝壽司同穴子壽司，濃度pair得好好。大湖特別純米酒生原酒送上飄雪紅酒鵝肝吞拿魚壽司，係全晚亮點，飄雪般的紅酒
成日食日本餐嘅你都知，食個omakase 真心唔平，出名嘅都要最少千幾二千，好多人真係唔會想食一餐咁貴。
但去壽司郎，又或者千両，雖然價錢平啲，但都唔係廚司發辦，只係迴轉壽司；要食得好少少，都要五百幾。
你有冇諗過五百蚊都可以食到質素好嘅日本omakase？係時候介紹間好餐廳俾你。
位於銅鑼灣名店街有間可以食$498一位的omakase，你會話，咁平唔會好，咁一齊睇吓食啲乜。
先上茶碗蒸，滑滑嘅蛋，蒸得唔錯。
由於呢到有埋大湖清酒同佢合作一齊pairing，咁就叫埋酒，大湖大吟釀，傳統薰酒，開胃一流。
日本高糖番茄真心好甜，係平常少見的種類。
磯煮鮑魚煮得好入味，有埋個肝醬送，多啲飯就仲好。
突如其來嘅金鯛立鱗燒，暖下胃都幾好。
之後係要點，日本北海道兵庫縣室津真蠔，大拖羅同北海道帆立貝都咁正，真蠔平時一隻都五十，夫復何求。件拖羅油香一流，好得。
轉大湖純米大吟釀，更甜更香。
真鯛壽司同深海池魚壽司，好傳統的壽司。
炙燒鰈魚裙邊係我全晚最愛。
羽太壽司夠特別送上大湖特別純米酒，再來個紫蘇文甲魷魚壽司，赤貝壽司同穴子壽司，濃度pair得好好。
大湖特別純米酒生原酒送上飄雪紅酒鵝肝吞拿魚壽司，係全晚亮點，飄雪般的紅酒鵝肝，又打卡-able又好食。
本釀造就最勁酒精，配上三色杯同湯物 ，好有力的收尾。
大湖梅酒不死甜，送上飛雪鵝肝芝士豆腐，你可能會講又鵝肝，但出奇地好食就係。
睇到呢度，要投訴係，訂位好難。介紹咗幾個朋友打電話都唔通，睇嚟要再食就要加油打電話喇。
Post
