鮨政x大湖

Open Now

Now Closed

尖沙咀嘅鮨政x大湖，結合咗傳統日本壽司同創新料理嘅日式餐廳，環境舒服又有私隱感，每道菜都有佢嘅特色同驚喜😋✨Omakase全18品 $398✨ 櫻花蝦茶碗蒸茶碗蒸蛋細膩滑溜，櫻花蝦增加口感，溫度剛好 🍤🌸✨ 吉列帶子（伴他他醬）帶子炸得金黃香脆，外脆內嫩，配埋他他醬同三文魚子，食落有驚喜！好少廚師發辦會有依款~✨ 磯煮鮑魚（配鮑魚肝醬）鮑魚煮得非常入味，口感軟韌帶嚼勁，配埋鮑魚肝醬濃郁鮮甜，完全提升咗鮑魚層次，好高級嘅享受 🍽️😍✨ 金鯛立鱗燒（配海膽松露醬）金鯛嘅鱗燒得好焦脆，海膽同松露醬嘅組合都好特別，甜甜地，我無點太多醬，細細啖，保持食材原汁原味😎✨ 赤伊佐木魚（配青檸啫喱）魚肉新鮮爽口，青檸啫喱帶來清新酸爽，勁開胃 😊🍋✨ 火灸鰤魚（配蛋黃味噌醋）鰤魚表面微焦，蛋黃味噌醋帶嚟濃郁同微酸，幾有層次感，賣相都好靚😋🍳時令壽司6貫 🍣帶子同真鯛都十分鮮甜；熟虎蝦質感彈牙；深海池魚配柚子皮增添柑香，黑鯥魚火灸過少少油份且超軟腍。鰈魚裙邊配日式XO醬，味道特別，油份超高，滿意！👍✨ 紅酒慢煮鵝肝拖羅赤身鵝肝係凍身，刨成碎粉，同拖羅赤身一齊食個感覺係入口即溶，紅酒香氣與魚肉濃郁脂肪完美融合，

為位銅鑼灣Fashion Walk 開左一間Omakase 😳 晚市$398 or $598 就可以食到Omakase。性價比都真係幾高，所以收工就跟左同事過嚟食下好西🤭這次品嚐的是$398套餐有18道菜式✨櫻花蝦茶碗蒸茶碗蒸質地滑嫩，櫻花蝦的鹹香與蛋香融，帶來清新淡雅的風味✨金黃炸帶子帶子外脆內嫩配搭三文魚籽與他他醬作點綴，鮮味十足✨磯煮鮑魚鮑魚口感彈牙，磯煮的醬汁入味，配搭鮑魚乾醬真係無得輸✨金鯛立鱗燒配海膽松露醬金鯛魚皮酥脆，魚肉鮮嫩，搭配海膽松露醬，增添了奢華的口感和濃郁的香氣✨赤伊佐木魚配青檸啫喱赤伊佐木魚肉質細緻，青檸啫喱的酸味恰到好處地襯托出魚肉的鮮甜✨火灸鰤魚配蛋黃味噌醋鰤魚經過火烤，散發出誘人的香氣，搭配蛋黃味噌醋味道濃郁豐富🍣✨真鯛 肉質細膩鮮甜，口感柔嫩✨帶子 鮮甜甘香，肉厚滑嫩✨深海池魚 肉質緊緻，微微柚子香清甜帶點油脂感✨虎蝦 肉質彈牙鮮甜，口感結實✨黑鯥魚 味道鮮美肉質細滑✨鰈魚裙邊 脂肪豐富，口感肥美柔軟，入口即化，而且用左日本XO醬作點綴帶有濃郁鮮味。✨赤身拖羅 😍 想encore 既壽司師傅係你面前將紅酒慢煮鵝肝整成碎灑上赤身拖羅上面🤩鵝肝的醇

呢間日式Omakase餐廳簡直係性價比之王！只係三百幾蚊，就可以食到18道菜，新鮮海鮮同精緻料理，nice•櫻花蝦茶碗蒸：滑嫩得像雲朵，櫻花蝦鮮甜爆表，層次感滿滿！🍣 壽司刺身派對：•目仁奈壽司：魚肉軟滑甘甜，配微酸醋飯，絕配！•帆立貝壽司：鮮嫩入口即化，甜味清爽，超滿足。•黑睦魚壽司：輕炙後油脂香氣爆發，細膩又濃郁。•甜蝦壽司：蝦肉彈牙鮮甜，鮮到一個點！•火炙油甘魚刺身配蛋黃醬：微炙香氣撲鼻，蛋黃醬濃滑，層次豐富。•火炙沙甸魚壽司：鮮美滑嫩，炙燒後油脂香同醋飯好match！•香煎金鯛配黑松露醬：魚皮脆肉嫩，黑松露醬濃到犯規，奢華感爆棚！•沙嘴魚天婦羅：炸衣酥脆，魚肉嫩滑，配醬汁好正。•火炙螢光魷魚手卷：魷魚鮮甜微脆，炙燒海味突出，超有層次。

最近去咗銅鑼灣一間高級Omakase餐廳，環境典雅，以木質設計為主，燈光柔和，搭配吧枱座位，讓食客可以近距離欣賞師傅精細的料理手藝。🍵 *蒸物與熱食* - *櫻花蝦茶碗蒸* ：茶碗蒸滑嫩細膩，蛋香與櫻花蝦鮮甜交織，湯底醇厚帶有昆布高湯的甘甜。 - *吉列帶子伴他他醬* ：外層金黃酥脆，帶子內裡柔嫩，搭配酸甜他他醬，風味清爽。 - *磯煮鮑魚伴肝醬* ：鮑魚燉至軟嫩入味，肝醬濃郁，提升海鮮鮮甜層次。🍣 *壽司與刺身* - *目仁奈壽司* ：肉質柔滑，帶微微甘甜，搭配醋飯清爽平衡。 - *帆立貝壽司* ：鮮甜細膩，入口即化，搭配醋飯更顯清新。 - *黑睦魚壽司* ：微炙提升油脂香氣，魚肉細膩，口感豐富。 - *甜蝦壽司* ：蝦肉嫩滑微甜，鮮度極高，入口彈牙。 - *火炙油甘魚刺身配蛋黃醬* ：炙燒後香氣誘人，蛋黃醬增添濃滑口感，鮮甜有層次。 - *香煎金鯛配黑松露醬* ：金鯛魚皮香脆，肉質細嫩，黑松露醬奢華濃郁，提升整體鮮味。 - *火炙梳子魚壽司* ：魚肉鮮嫩甘甜，炙燒帶出獨特炭香，入口即化。 - *火炙沙甸魚壽司* ：沙甸魚鮮美滑嫩，微炙提升油脂香氣，搭配醋飯更添

上個週末同朋友去咗一間好有格調嘅日式料理餐廳食OMAKASAE，$398已經包括咗蒸物、刺身、壽司、甜品都有，食到我哋超級滿足🤍主廚真係超級專業，又nice每度菜都好有心思！🔥首先試咗蒸物嘅「茶碗蒸」，一上枱已經聞到陣陣蛋香，入口滑溜得嚟仲有蝦嘅鮮甜，蛋漿蒸得啱啱好，軟嫩到不得了。食落開胃又舒服，係一個好溫柔嘅開始！🔥之後有「吉列帶子伴他他醬」，帶子炸得金黃酥脆，外層薄脆得黎唔油膩，咬開即係鮮嫩嘅帶子肉，配上酸酸甜甜嘅他他醬，味道好平衡。我同朋友食完真係好滿足！🔥再試咗「磯煮鮑魚伴肝醬」，鮑魚煮得軟腍又彈牙，鮮味爆棚，先食一啖原隻鮑魚，已經好正；之後跟指示將肝醬同飯一齊食，嗰陣濃郁嘅肝香同飯嘅甜味一齊爆出嚟，簡直係完美combo！朋友話呢個配搭好似藝術品咁有層次，抵讚！🔥刺身環節有「火炙油甘魚鰤魚刺身配醋麵豉」，油甘魚同鰤魚火炙得啱啱好，表面微焦香，肉質仲係嫩滑，配上醋麵豉嘅酸香，食落去好清新。我哋幾個食到瞇晒眼，話呢個刺身真係好高質！🔥之後試咗「甘鯛立鱗燒配黑松露海膽醬」，魚皮燒到脆卜卜，跟指示連皮一齊食，魚肉嫩滑同黑松露海膽醬嘅濃香好夾，層次感爆棚。呢道菜真係好精緻，食完真係好有幸

今次同大家分享一間隱藏喺銅鑼灣嘅日式餐廳，主打Omakase廚師發辦，食材由日本直送，今次食嘅$398午市套餐，有18品，超級多野食，好好味！師傅非常非常nice! 值得推介！🔥櫻花蝦茶碗蒸一揭蓋就聞到濃郁櫻花蝦香，蒸蛋滑到似絲綢，面頭鋪滿脆口櫻花蝦乾，鮮甜層次爆燈！師傅話關鍵在於用自家製高湯代替水打蛋，難怪食到尾都唔會「出水」！ 🔥吉列帶子伴他他醬帶子外層炸衣薄到透光，咬落「咔嚓」一聲，內裡溏心狀態完美，配自家調他他醬，酸香平衡油膩感。好味！🔥磯煮鮑魚伴肝醬鮑魚慢煮淋上鮑魚肝醬，入口軟糯帶微微酒香。食完鮑魚，師傅會奉上一小碗醋飯，將剩餘肝醬撈勻，嗰種濃郁鮮味真係邪惡到喊！ 好滿足！🔥立鱗燒呢道絕對係技術展現！魚連鱗炸至立起，鱗片脆如薯片，魚肉卻保持嫩滑，蘸上混入北海道海膽同法國黑松露嘅醬汁，鹹鮮中帶菌香，食到唔捨得吞🔥油甘魚同鰤魚都係厚切，師傅輕輕炙燒魚皮，逼出魚油香，點睛之筆係自家製醋麵豉醬用白味噌加米醋調和，酸度溫柔，完美襯托魚脂豐腴！ 🔥招牌飄雪鵝肝吞拿魚壽司將法國鵝肝凍硬刨成雪花，鋪喺吞拿魚赤身上，入口即化似拖羅雪糕，下面嘅醋飯混咗少許山葵，嗰種冰火交融嘅感覺，真係要親

我地二人去食lunch, 叫左第二位半價的$498 omakase set記憶點1. 全場師傅只係講左件牡丹蝦刺身係加拿大，其他所有食材就完全無介紹產地2. 佢地有15間分店係大陸，香港得一間，絕無分店！3. 我地只係見師傅係我地面前切過一塊魚料，其他所有魚料都係預先切好左拎出泥。而我地決定食邊個set係到場先㨂的… 4. 最後嗰件赤身鵝肝幾持別5. 海膽帆立貝的海膽係亂排，充滿生殖腺味，唔甜6. 燒虎蝦食得出係雪蝦，蝦身無味無彈性7. 獅魚還好8. 舍利酸度高同有咬口9. 第一度蒸蛋幾好食10. Waiter服務態度差同唔專業！我地問佢邊個餐有第二位半價，佢答我地係社交平台見到邊個就邊個🙄 咁的服務佢都收左10% service charge!11. 師傅係唔太識握壽司的。先唔好講幾多手握好一件壽司。我見到佢掃到成手指都係飯粒，件野握好搽完豉油後又再握過😐結論係中大伏😂 $400一位我去食放題好過🙄

原價千幾蚊嘅 omakase dinner set優惠價$498 ， 所以入去試試。 總結黎講 ， 魚生類嘅食物食落完全無特別，有啲似普通壽司鋪水準，亦不是特別新鮮。壽司啲飯超酸，完全蓋過晒魚生嘅味道。甜品係抹茶奶凍 ， 個質感好水。 唯獨係個鵝肝幾特別。 $498 真係完全俾多佢， 我會寧願用呢個價錢去食放題

上星期六一試，女侍應問有無野唔食，我回答同行食客不食蠔，最後都係上咗每人一份蠔，為免浪費，我唯有繼續享用另外，份量比上次少，有啲唔夠，食物新鮮，師傅有禮貌，下次未必再去

銅鑼灣食 Lunch Omakase。睇完某台介紹，吃貨優惠， 18道菜 lunch omakase，第2位半價。原價兩位 $2996， 25折，平均每人$ 411。全場15座位，爆晒。全部都用同一優惠。相信都是看了同一介紹。🔹️櫻桃羅白漬▪️開胃，櫻桃漬，口感正✅️🔹️鮑魚茶碗蒸▪️ 正常🔹️慢煮鮑魚配鮑魚肝醬 ▪️正常🔹️鐵板蝦 ▪️細只蝦，但都爽口✅️🔹️日本生蠔 ▪️細只，爽口，但不鮮甜🔹️toro ▪️沒油脂香🔹️牡丹蝦刺身 ▪️ 正常🔹️10件壽司 ▪️ 普通款式，魚片太薄， 細一點。魚片一早已切定，等師傅手握飯再送上。🔹️飄雪鵝肝吞拿魚▪️是赤身部份，師傅即時在面前刨上用紅酒浸過鵝肝）🔹️吞拿魚蓉手卷▪️份量太少，魚肉好少🔹️鯛魚濃湯▪️好正，香濃✅️🔹️紅豆綠茶布甸▪️正常餐廳只有兩個廚師，同一時間 serve 15位人客。一定好趕。用餐後感覺似食快餐，mass production。 每次15份咁出餐。材料都算新鮮，唔會冇魚味。壽司表面經常用 柚子，檸檬，醬油，蓋了鮮味亦提不了鮮。 壽司魚片太細太薄了，食完整餐omakase，好似唔夠飽🤣🤣試一次就夠，暫不考慮再到訪啦❗️❗️

加$100 原來只係”升級多半隻鮑魚”+四件壽司而唔係侍應所講：有磯煮鮑魚+四件壽司用餐速度偏快偏趕師傅放低壽司好細聲介紹咩壽司就走左去完全聽唔到師傅講咩😅套餐明明係熟海膽茶碗蒸，貨不對辦無海膽🥲刺身帶子得半粒😂整體份量偏細，女仔食完”+$100升級”Total 10件壽司都唔飽😨無牛奶綿綿冰無通知，私下變左抹茶奶凍🍵整體質素參差⋯⋯茶壺放枱面需要自助斟茶，元氣服務質素🫢碟邊碗邊仲要係污糟🙂呢個價錢質素，即使Omakase市面好多選擇絕對唔需要食呢間😂

我地點左一樣既海膽套餐✋🏻滿足海膽控既日常🥹 首先佢地既茶碗蒸係有海膽既！ 真係好正 佢地既海膽睇上去已經覺得好新鮮 入口完全唔苦 有小小甘甜，質感細膩，幾乎入口即溶💕佢哋嘅海膽吞拿魚蓉熱狗🌭 成隻熱狗都係用海膽去堆砌 超大嚿海膽好滿足 啱晒海膽腦袋😝😝 之後仲有六貫壽司 🍣 魷魚比目魚吞拿魚壽司 全部都好出色 以我最愛就係火炙過嘅比目魚 🫡 燒完嗰種油香迫晒出嚟好好食✋🏻 食完佢哋嘅刺身同埋壽司真係大滿足😙😙😙

📣📣📣位於銅鑼灣有一間日料 #平價Omakase天花板 特色海胆吞拿鱼蓉热狗Omakase 🤤满口都是海胆真係正爆 😍 仲有低至$198的Omakase.....😱今日我都嚟試下本·海膽吞拿魚蓉熱狗Omakase $498套餐 ( 原價$1988 ）🍣真係好性價比👍🏻 每件sushi 口感細膩 👍🏻用料新鮮，味道鮮甜，能吃到師傅既用心☺️📌低溫飄雪鵝肝配吞拿魚菜式新穎，口感軟滑，魚味極濃 🤩✅熟海膽茶碗蒸✅ 漬物（2點）✅季節料理（1品）✅ 鐵板時令海鮮（1品）✅ 本•海膽吞拿魚蓉熱狗✅ 刺身（2切）✅超低溫飄雪鵝肝配吞拿魚✅ 當季手握壽司（6貫）✅ 時令湯品✅ 牛奶綿綿冰

前幾日朋友話呢間幾好昨天3月16日抱住試既心態去吃———失望！食物質素只能同元氣比！師傅又無交流、個個好似唔知做緊咩、好似個個都係新人甘、手忙腳亂見到啲刺身一開始就係到擺盤、但到我吃到個碟刺身都已經成40分鐘後、成碟刺身暖哂、環境污糟邋遢、啲壽一開始就切定所有材料、成堆垃圾咁擺喺張枱！最好笑係啲熟食、成個餐有1粒炸既魚、細都骰仔咁有1粒仔龍蝦、勁柴、吃基圍蝦好過佢、有1粒燒鰻魚、燒到啲肉又柴啲皮又韌個蒸蛋又無味、面頭嗰啲綠色、同埋面頭好似一鼻涕咁啲汁結踢踢、嗰個煙燻鮑魚個鮑魚難食到講粗口、又咸、有冇咬口、只能說垃圾都不如！從未吃過甘難食既！唔會再嚟！

好耐沒有在香港食到一間無論餐廳環境、服務，食物和價錢都滿意的餐廳，真是值得推介。我們一行三人到這間餐廳食個Omakase午餐，午餐和晚餐的餐牌是一樣的，價錢最貴$698，最平$198也有，適合在附近工作的OL作午餐，除了Omakase之外，也有其他散叫的，可以參加以下相片。食物方面花了點心思，特別是個用紅酒慢煮的鵝肝，配合壽司一起食，非常美味，食物滿意。服務方面，也非常好，雖然人手不足，但總算安排得妥當，他們知道我們是慶祝生日，還特別額外送了一份小甜點給壽星，值得加分。我們三位都是叫了$498，食物內容也可看以下相片。現在香港的餐廳真的很難做，特別日本餐廳，除了核廢水事件影響，很多人也北上消費，大家真的要多些留港消費，香港仍然有我們值得支持的餐廳。