Video
Read full review
2019-07-01
155 views
元朗真係唔同價位既餐廳都有，高價既鐵板燒一樣都有，今日就去左近教育路附近既一間隱世鐵板燒。位置的確唔太顯眼，屈左入後面街。舖面唔算太大，有三個大鐵板爐。座位有限，建議先打電話黎訂座會比較穩陣。餐牌簡潔，分左一人餐/二人餐/廚師發辦。見價錢唔算差太遠，想食得豐富D一定係叫 🔸 廚師發辦 ($1,280/位)。話明廚師發辦，大廚會因應餐廳時令來貨決定煮咩食物。今日為我地安排食物係一位女廚師。佢會為我地介紹每道菜既食材、來源等，再講解下食法，好細心。間唔中大家會傾下計，或者了解返客人既口味而作出調整。感覺好Nice，我認為係廚師同食客之間一種好好既互動。係全晚睇住廚師煮野食，就好似睇緊一場表演咁，十分精彩！______________________________ 全晚食物流程安排得好好，餸菜由淡味到濃味，唔會擾亂味道次序。由前菜、主菜到甜品都十分豐富！食完每餐飯超滿足！前菜：🔸是日沙律非常新鮮，加入蓮芋，屬於蓮花的莖部。🔸 Seasonal Dish: 北海道白粟米當飯前水果咁食，咬落多汁，帶有啖啖香甜味。🔸 黑松露三文魚籽燉蛋燉蛋用Sake酒座熱，再加上Toppings，特顯矜貴。松露
餐牌簡潔，分左一人餐/二人餐/廚師發辦。見價錢唔算差太遠，想食得豐富D一定係叫 🔸 廚師發辦 ($1,280/位)。話明廚師發辦，大廚會因應餐廳時令來貨決定煮咩食物。
今日為我地安排食物係一位女廚師。佢會為我地介紹每道菜既食材、來源等，再講解下食法，好細心。間唔中大家會傾下計，或者了解返客人既口味而作出調整。感覺好Nice，我認為係廚師同食客之間一種好好既互動。係全晚睇住廚師煮野食，就好似睇緊一場表演咁，十分精彩！
______________________________
全晚食物流程安排得好好，餸菜由淡味到濃味，唔會擾亂味道次序。由前菜、主菜到甜品都十分豐富！食完每餐飯超滿足！
前菜：
🔸是日沙律
非常新鮮，加入蓮芋，屬於蓮花的莖部。
🔸 Seasonal Dish: 北海道白粟米
當飯前水果咁食，咬落多汁，帶有啖啖香甜味。
🔸 黑松露三文魚籽燉蛋
燉蛋用Sake酒座熱，再加上Toppings，特顯矜貴。松露帶香，加上粒粒晶瑩剔透既三文魚籽，為燉蛋帶來一陣鮮味。
______________________________
主菜:
🔸 煎帶子配冬瓜
煎帶子好大粒，肉質厚，夠鮮甜！表面煎至微脆，入面大概七成熟，口感更佳。為配合夏天，刻意加入冬瓜消暑，不錯既配搭。
🔸 牛油蒜蓉炒象拔蚌
象拔蚌口感爽脆，加上爆香左既牛油蒜蓉，鑊氣好夠！超香！
🔸 日本金錭魚 (海膽醬南瓜忌廉醬 + 紫菜碎)
錭魚皮用油炸至金黃色，入口超級香脆！魚肉嫩滑，沾上Creamy既特調醬汁，味道更好正！
🔸 炒粒貝 配 烏魚子 咸香味
原來粒貝姐係響螺，炒熟之後加上微熱烏魚子放係面，有一陣咸香味。夠脆嫩，味道鮮美。
🔸 北海道蝦夷鮑 配 抹茶冷麵
鮑魚有手掌心咁大隻，落左鐵板一陣，廚師再拎返入廚房做清潔，確保入面既污糟野清走哂，返黎再煎香。原味食又得，或者沾鮑魚膽汁會更濃味👍🏻抹茶冷麵配少少酸汁，唔錯！
🔸 伊勢海老
全晚最期待既龍蝦🦞不負眾望！Size大過塊面。極大隻仲要超生猛！肉質彈牙，好正啊！！用返龍蝦膏黎調個醬，原汁原味！🥰
🔸 鵝肝多士
超級邪惡既一道菜😈鵝肝夠厚，煎至兩邊微脆，達至外脆內軟，入口就好似牛油咁溶化😻多餘既油脂部分吸左係塊多士到，一齊食就無咁膩喇！加上菠蘿冰既酸甜，完全balance返哂油脂既肥膩感。
🔸 砂糖多士
我會視為一個中場休息😂因為相對無咁heavy。雖然食物成本唔高，但處理情序同心機都唔容易。牛油同砂糖通通溶化係多士上面，超脆口，堆放成層層疊咁。
🔸 佐賀A4和牛
肉質柔嫩，油花分佈適中。我地要求煎至五成熟，入口即溶，有好鬆化既感覺😍
🔸 龍蝦金錭魚湯
食過和牛後，飲返啲熱湯中和下。頭先既伊勢海老頭部原來攞左去熬湯，加上錭魚一齊煲，味道超級鮮甜！
🔸 炒雜菜
日本料理中必備既炒雜菜，份量適中，唔算油。
🔸 櫻花蝦炒飯
炒飯粒粒分明，加入櫻花蝦、蔥花、蘿蔔粒，十分香口。
食到九成半，最後仲有🔸 抹茶雪糕 做甜品，完滿哂，勁滿足！總括而言，食物質素完全符合價錢，物超所值！有機會一定返黎再食多次🤩
．
by VIN
環境分數: 9.5/10
食物分數: 9.5/10
Post
