嚐仙 (Closed)

提起台式甜品，點少得芋圓呀？相信大家都會諗起鮮芋仙，但係飯後時間都真係超級多人，今日唔想排咁耐，所以轉移去嚐仙，銅鑼灣店店個位好似唔係好多人知，所以暫時都唔會爆長龍，同埋啲人都係外賣居多。店子標榜用台灣大甲芋頭製作煙韌芋圓、芋泥，可以揀豆花、冰、仙草等等，好多選擇。招牌燒仙草 $49配料有芋泥、芋圓、珍珠、紅豆，芋泥好似雪糕球咁喺面，口感綿密；作為主角嘅燒仙草就夠哂味兼好滑溜，滿意；珍珠略嫌唔夠煙韌；芋圓就夠煙韌但味稍稍不足，反而紅豆有驚喜，豆味足又圓潤。五式豆花 $56可以自己揀五款配料，芋泥、芋圓、紅豆、珍珠、小丸子，基本上我哋揀嘅係同上面一樣，不過多咗小丸子，都係增加咬口。豆花有微微豆味，都算滑溜（始終港式豆腐花無得輸），但熱食感覺良好。杏仁布甸一號杏仁豆腐真係好兩極，一係好鍾意，一係就討厭，同檯朋友一起個話ok，一個話味好假，所以真係親身食，有水蜜桃、芋圓、椰果，罐頭水蜜桃就唔得我歡心啦～門口相