而打淥滷汁拌粉 (新都城中心二期)

Open Now

Now Closed

今晚黎到台灣口味，門外光鮮幾吸睛，就係咁比佢吸左埋去食返餐。有滷味，有拌麵，仲有仙草，都幾齊全，樣樣都可以試下，同行友人愛肥美，所以叫左個腩肉刈包。🔻古早腩肉刈包🔻刈包幾靚仔，個腩肉一層層，肥瘦相間，睇到流晒口水。生菜一片，都係精華，掛滿醬汁之外都減左的油膩感。🔻蘿蔔金錢肚拌麵🔻蘿蔔滷到變晒色，勁入味，金錢肚入點軟綿唔痴牙，整得幾好，拌麵味道甜中帶少許咸味，令整體味道更出，個滷汁真係好正。🔻麻辣鴨血拌粉🔻麻辣鴨血好食既地方係夠麻辣同爽，麻辣汁好香，加埋自家製香辣菜脯，食落除左麻辣仲有香辣感，而且菜脯真係幾辣，愛辣之人必食。🔻黑糖薑母仙草🔻清涼解辣甜品，食完即刻醒神晒，薑味香唔太甜，啱女仔。