哈豆

Open Now

Now Closed

星期六放假一早去做gym，做完運動超肚餓底下去左附近觀塘「搵食」！誤打誤撞下，去到富利工業大廈既「哈豆」，一間台灣人開既台灣料理餐廳。進入店內，只可講真係非常有台灣風味。牆畫佈滿台灣地方名，如平溪、九份。餐廳空間感十足，座位舒適！翻開餐牌，精挑細選下，最後揀咗嘉義蔥酥雞肉飯+蠔油時菜同黑白珍珠豆漿紅茶。值得一提嘅係，正值減肥嘅我，出去食飯嘅時候都特別多要求。好似今日咁，除咗醬汁要另上之外，飲品亦要選擇無糖的。幸好有店員推介，才知道佢哋嘅豆漿係可以選擇無糖版本，太好啦！雞肉飯方面，廚師把雞肉切成雞絲，伴着青瓜和醃菜，連同白飯一齊食，口感層次非常豐富，味道平衡得非常好，絕對係減肥恩物。而時菜方面，今日嘅款式係油麥菜！油麥菜菜味濃郁，即使唔點蠔油，亦完全冇問題！最後就係豆漿紅茶，豆漿加紅茶呢個配搭實在係第一次嘗試。紅茶配上豆漿味道出奇地配合，而且我係選擇無糖版本，小清新之選！