夢樂園 (Closed)

今日天氣超級熱。 同朋友係尖沙咀想搵地方好好咁坐底食下野。 諗左陣, 經過lee間夢樂園, 係間樓上舖, 就即管上去睇下。上到去可能係樓上舖，都算乾淨清靜。 原來仲係一間貓貓店, 有2隻貓好會招呼客人。 所以就咁就真係吸引到我地入去啦。坐底玩完一論貓後, 就正經點菜。點左: 是日推介既沸騰魚烏冬, 有d辣; 黑毛豬魯肉飯, 唔辣既; 黑白雲耳涼拌, 脆皮餃子; 野飲仲有: 抹香涼粉奶茶, 荔枝乳酸梳打。本身熱到冇咩胃口食野, 但沸騰魚真係幾開胃。 有d辣, 但食得好開心。 佢既桂花魚好好食, 一d骨都冇, 食得好舒服。 黑毛豬魯肉飯, 醬汁同肉好夾, 好明顯有用心調過。 黑白雲耳涼拌, 真係幾爽口, 白雲耳好少有。 脆皮餃子煎得唔錯。 食物份量睇落好似好少, 但其實係剛剛好, 真係唔會太多, 亦唔會唔夠。 而飲品, 係咁熱既天時, 真係令到lee餐飯非常完滿。