一起食堂 (域多利皇后街)

Open Now

Now Closed

去中環買完野覺得有點肚餓，行經街市附近見到呢間台式店。朋友話想食就入去食。花雕麻油雞湯麵 $92花鵰係另有一個杯仔裝住，根據自己喜好落多定少，雞肉嫩滑多汁，麻油味香濃。紅燒牛肉麵 $92牛肉炆得十分入味，口感軟林，筋位煙靭爽口，我覺得味道咸左少少。跟餐會有個小食送埋，蕃薯仔香甜，綠茶厥餅煙煙韌韌。烤台灣香腸 $32香腸甜甜地，外皮脆身，加埋蒜片一齊食惹味。紅豆奶茶 $24紅豆粒粒飽滿，香甜濃郁，奶茶茶味好香。愛玉鳳梨綠茶 $24鳳梨酸酸甜甜，愛玉十分Q彈。