阿杏飯團 (富華中心商場)

Open Now

Now Closed

夜晚嚟到荃灣站附近搵食，最近食啲有啲油膩 ，諗住食light少少。 見到阿杏飯團，主打果茶同埋飯團，就抱住嘗鮮嘅心態去試下。餐廳只提供外賣，冇堂食。 我哋要咗一個芝士鰻魚飯糰，一個鹹蛋雞扒飯團，一杯橙意滿滿同埋一杯紫薯玫瑰露。佢哋嘅飯團係熱食嘅。 飯糰非常之厚實， 同一般食開嘅飯糰唔同，佢哋採用較為黏糯嘅紫糯米，外面用紫菜包住。 即使咬落去都唔會出現啲米飯唧曬出嚟，散曬嘅情況， 唔會話食得好狼狽。 配料有鰻魚，沾有沙律醬嘅生菜， 火腿，肉鬆同埋油炸鬼， 食落口感非常之豐富，醬汁唔會話過稀以致咬落四溢。 飯糰望落雖然細，但食落比想像中更為飽肚。 男士食一個飯糰再配杯嘢飲啱啱好。鹹蛋雞扒飯糰食落同預期中有啲出入。 原本以為裏面有好似鹹蛋黃醬炸雞咁嘅嘢餡料，食落蛋黃唔算特別鹹 ，個人更鍾意芝士鰻魚飯團❤️橙意滿滿帶有少許橙味， 飲落幾fresh帶啲微酸。紫薯玫瑰露叫咗半糖，飲落帶啲玫瑰味， 甜度啱啱好。埋單一百三十蚊左右， 平日經過荃灣站嘅不妨嚟試一試。