Video
Read full review
2023-08-27
62 views
疫情關係，已經闊別咗台灣幾年，就算開返關都仲未有機會再去食買玩。最近香港政府話要搞夜市，反而令我更掛住台灣夜市美食😮💨咁啱經過鐵花村呢間小店，睇見入面裝飾幾特別，重有台灣小食好吸引，正好入去解一解相思🥹其中一位店員係台灣人，好熱情同用心咁同我哋介紹特色食品，重提到老闆同廚師都係台灣人，希望藉小店令多啲人認識台東🥰成個氣氛令人感覺好親切。台東米苔目店員推薦呢個湯粉，米苔目係客家傳統米製麵條，不過香港好難揾到呢個材料，呢度就用質感近似嘅銀針粉煮。雖然我無食過真正嘅米苔目，不過呢個版本個人都幾鍾意，銀針粉好索味，湯底清清地，加入肉燥同木魚片就變得惹味，白蘿蔔煮得夠淋入味，配料重有貢丸同滷蛋，好豐富。滷肉飯 (細)滷肉飯係經典，飽都要一試🤣豐富肉燥汁看似濃味，其實一啲都唔膩，細碗份量算多，台東的肉燥味甜，五花肉肥瘦均勻，白米飯重混入藜麥更高纖健康，可見小店心思👍🏻肉鬆起司蛋餅久違了蛋餅嘅味道🥹一般嘅台灣食店都好少供應呢度地道美食，係香港食到真係好感動啊🥹🥹蛋餅用料十足，肉鬆同澎湃芝士，真係要盡快襯熱食，加咗甜醬辣醬，感覺直頭身處台灣一樣😎關山臭豆腐一道好台好正嘅小食🤤面頭啲酸泡菜係店家自己腌
其中一位店員係台灣人，好熱情同用心咁同我哋介紹特色食品，重提到老闆同廚師都係台灣人，希望藉小店令多啲人認識台東🥰成個氣氛令人感覺好親切。
4 views
0 likes
0 comments
台東米苔目
店員推薦呢個湯粉，米苔目係客家傳統米製麵條，不過香港好難揾到呢個材料，呢度就用質感近似嘅銀針粉煮。雖然我無食過真正嘅米苔目，不過呢個版本個人都幾鍾意，銀針粉好索味，湯底清清地，加入肉燥同木魚片就變得惹味，白蘿蔔煮得夠淋入味，配料重有貢丸同滷蛋，好豐富。
滷肉飯 (細)
滷肉飯係經典，飽都要一試🤣豐富肉燥汁看似濃味，其實一啲都唔膩，細碗份量算多，台東的肉燥味甜，五花肉肥瘦均勻，白米飯重混入藜麥更高纖健康，可見小店心思👍🏻
1 views
0 likes
0 comments
肉鬆起司蛋餅
久違了蛋餅嘅味道🥹一般嘅台灣食店都好少供應呢度地道美食，係香港食到真係好感動啊🥹🥹蛋餅用料十足，肉鬆同澎湃芝士，真係要盡快襯熱食，加咗甜醬辣醬，感覺直頭身處台灣一樣😎
3 views
0 likes
0 comments
關山臭豆腐
一道好台好正嘅小食🤤面頭啲酸泡菜係店家自己腌架，味道唔錯。豆腐炸起乾身，聞落幾夠臭，一口咬落去竟然係juicy架！超好味！醬汁都係店家特製，配搭臭豆腐好好食。
6 views
0 likes
0 comments
擂沙芋圓
雖然已經好飽，但女人不嬲都有多一個位嚟裝甜品🤭店員介紹嘅擂沙芋圓有別於平常做法，台灣直送嘅芋圓以擂沙方式包裹上自家製花生糖碎🥜，另一番滋味👍🏻
2 views
0 likes
0 comments
飲品方面，呢度嘅手搖台式飲品都無加白糖，所以唔會好甜。
蜂蜜🍯鮮檸紅茶
- 蜜糖味清潤，檸檬紅茶解膩消暑☀️
芝士奶蓋台東藍
-小店獨有嘅特飲，藍柑橘加乳酸味飲料，面頭一層棉密奶蓋，感覺清新。
小店雖然唔大，但裝修好有台東風味，天花掛滿由小朋友畫成嘅小熱氣球裝飾🎈，再品嚐埋台灣美食，有一剎那我簡直仿如置身喺台東鐵花村熱氣球嘉年華現場，好夢幻啊😚
Post
