Video
Read full review
2024-05-29
423 views
之前每次經過好運中心嘅「初遇」都覺得入面好光猛好舒服，望圖片都覺得啲野好好食，加上自己一直都好鍾意食台灣野，所以今次一於就去試下呢間台灣野！咁啱撞正下午茶時間，叫左兩個tea sets再加一份小食：（1）一品臭臭鍋+寬麵 $98估唔到下午茶set都有一品臭臭鍋！！上次係台灣食已經覺得好好味，初遇嘅一品臭臭鍋一上枱就「臭」到不得了！材料都十分充足，有我最鍾意食嘅黑色臭豆腐、鵪鶉蛋、凍豆腐、金菇、娃娃菜… 不能盡錄。仲有得揀主食，我揀左寬麵，好煙韌彈牙。成個臭臭鍋份量好多，夠晒我同朋友食。（2）夜市小食拼盤 $56台灣最正就係夜市！一望到夜市小食就心心眼，呢個拼盤有蝦多士、蟹蓋、蝦餅、南瓜條。香脆可口，南瓜條一流！（3）芋香珍珠奶茶 跟餐+$8跟餐有好多台式飲品可供選擇，加$8就可以飲到！呢杯好有芋香味，唔太甜，珍珠煙韌彈牙。（4）古早冬瓜茶 揀左個冬瓜茶飲，唔甜都唔會淡淡，味道啱啱食，食完個小食拼盤好啱飲杯冬瓜茶。（5）古早起司芋泥肉鬆捲餅 $46最欣賞呢個捲餅，有3款可以選擇。我本人鍾意食芋泥，呢個捲餅入面嘅芋泥唔多，但啱啱好，呢個份量唔會太膩，不過甜甜地，跟肉鬆嘅咸味夾得好好。當甜品
咁啱撞正下午茶時間，叫左兩個tea sets再加一份小食：
（1）一品臭臭鍋+寬麵 $98
估唔到下午茶set都有一品臭臭鍋！！上次係台灣食已經覺得好好味，初遇嘅一品臭臭鍋一上枱就「臭」到不得了！材料都十分充足，有我最鍾意食嘅黑色臭豆腐、鵪鶉蛋、凍豆腐、金菇、娃娃菜… 不能盡錄。仲有得揀主食，我揀左寬麵，好煙韌彈牙。成個臭臭鍋份量好多，夠晒我同朋友食。
（2）夜市小食拼盤 $56
台灣最正就係夜市！一望到夜市小食就心心眼，呢個拼盤有蝦多士、蟹蓋、蝦餅、南瓜條。香脆可口，南瓜條一流！
（3）芋香珍珠奶茶 跟餐+$8
跟餐有好多台式飲品可供選擇，加$8就可以飲到！呢杯好有芋香味，唔太甜，珍珠煙韌彈牙。
（4）古早冬瓜茶
揀左個冬瓜茶飲，唔甜都唔會淡淡，味道啱啱食，食完個小食拼盤好啱飲杯冬瓜茶。
（5）古早起司芋泥肉鬆捲餅 $46
最欣賞呢個捲餅，有3款可以選擇。我本人鍾意食芋泥，呢個捲餅入面嘅芋泥唔多，但啱啱好，呢個份量唔會太膩，不過甜甜地，跟肉鬆嘅咸味夾得好好。當甜品、當主食都可以！如果呢款都有得跟餐就太完美啦！！
總括今次個下午茶真係物超所值，仲要唔洗加一服務費！！！！但服務仍然好好，會主動安排我地坐卡位可以舒服啲，對食物質素同服務態度十分滿意！
Post
