台灣郎

Open Now

Now Closed

紅燒牛肉麵 ($78)突然想食台灣牛肉麵的一晚～小店係由台灣人主理，牛肉麵底味道濃郁，帶甜味，配料有紅蘿蔔同白蘿蔔，兩款都煲到軟淋淋，而且入味均勻，充滿同湯底一樣嘅牛肉味，碗內亦都有唔少酸菜（麵食配料中的最愛）。麵條對我黎講都係未夠硬身，不過勝在都算彈牙，而且麵質都幾掛湯。主角牛肉份量足夠，但係肉質較為鬆散。整體黎講係中規中矩嘅牛肉麵，唯獨湯底幾出色，不過以依個價錢黎講性價比就未必好高～.餐廳室內裝潢會令人有種去咗十份﹑九份嘅感覺，好多天燈裝飾，桌椅都係台式小店會見到嘅木質家具，坐得舒服，適日平日休閒用餐。