春禧堂台灣料理餐廳 (Moved) New Location

台灣美食一向好啱香港人口味，約人食飯揀台灣餐廳就唔會有錯啦。今晚去咗中港城新開嘅一間台式餐廳春禧堂同朋友食晚餐傾吓偈。今日天氣轉涼，我叫咗個夏至海蝦海鮮鍋，清鷄湯，有海蝦，花枝丸，娃娃菜，豆腐，金菇，雞髀菇。海蝦數量多，非常豐富。豆腐嫩滑，花枝丸大大粒。冬天食一人鍋，感覺幸福溫暖。朋友叫咗個三盛紅燒牛肉麵，超大碗，大大件腱心牛肉，牛腩，牛丸，牛肉炆得鬆軟入味，台灣麵軟硬適中。跟餐叫咗涼拌木耳，健康降血脂。點可能錯過台灣飲品呢？芝士奶蓋阿華田，少甜而芝士味突出。仙草凍鮮奶，好多jelly，鮮奶更可幫助入眠。最後最後，一人一件鳯梨酥，完整的台灣體驗！