請坐 (Moved) New Location

有個記者朋友大讚呢間得，於是有日響西營盤就試左啦。果日lunch無記錯好似12:00先開門，但現場已經有短短人龍啦，好在一開門就有位唔洗等。餐廳裝修極簡陋，講白啲係無裝修，幾塊白色牆、掛左啲display foamboard. 我估佢地應該係不時借個場比某啲文青團體攪下展覽咁啦，總之裝修係無。店舖面積好細，坐得30人到。當日叫左個雞肶飯，因為個fd 係show 雞肶飯張相而吸引我去試呢間，睇相以為係鹵水肶，黎到先知係醃肶、無汁果隻。幸好飯上面拌左㗎喱汁同超鮮嫰嘅芥蘭，隻肶係有啲乾身，但醃得幾入味，加埋杯珍珠奶茶，的確係一餐好地道嘅台式午餐。而且就係地方簡陋、午餐亦絕不賣弄花巧，反而真的讓我感受到最樸實、最貼地的媽媽味道。