犇殿台灣火鍋 (德福廣場1期)

Open Now

Now Closed

開開心心星期一。今日同男朋友嚟食火鍋。聽聞係台式style，應該會幾特別咁，所以一早就嚟咗排隊，好快就可以入嚟食飯。佢有好多唔同嘅湯底，我哋叫咗酸菜蠔仔湯底，好特別。出邊都冇得食！可以係用手機自助落單，好方便，我哋食嗰個餐，有海鮮，羊肉，雞，顯，蝦同埋魚。仲有其他台灣小食，例如鹽酥雞，皮蛋豆腐。真係同出邊嗰啲與別不同喎！有台灣嘅風味，又有火鍋嘅元素。一次過滿足晒幾個願望呀！肉類方便，有牛小排，牛肩肉，全部都好高質，又有羊肉同豬肉，唔似出邊嗰啲，會俾啲平價牛肉你。呢個價錢絕對對得住咁高quality 嘅肉啊！出邊仲有得攞肉燥飯，台灣香腸，豆腐花等等，真係好似去咗台灣夜市！