牛品台式火鍋

Open Now

Now Closed

天氣開始涼，邊爐癮又起😚朋友推介呢間「牛品」，主打進口台灣食材，M9和牛，鴨血任食，勁吸引，鋪頭卡位為主，2個個罷4個位，爽呀。我哋食「牛御品套餐」，鴛鴦湯底揀左酸菜白肉鍋 + 沙茶海鮮鍋，兩隻湯底都好正，沙茶湯濃郁，淥完牛肉都唔需要點豉油了，完全夠味，湯底入面仲有蝦、青口同蜆；酸菜鍋本身已經有好多豬五花，酸味適中自然。新鮮活鮑魚係送嘅，淥一陣就食得，爽口彈牙。主力食澳洲M9肩胛肉、西班牙栗餇豬五花，碟碟都好似第一碟咁靚，又唔會過肥。台灣進口食材：心内美（顏色好靚嘅蘿蔔）、花枝漿（勁鮮甜，非常推薦）、高麗菜水餃、台灣烤香腸、炸番薯波波，真係樣樣都幾好食。最後仲可以去甜品區自製一碗紅豆涼粉愛玉芋圓糖水，正到～解左我小小台灣鄉愁。