段純貞X日出茶太 (The Johnston)

Open Now

Now Closed

段純貞自稱台灣第一牛肉麵，食完今次牛肉麵，我相信段純貞紅燒湯麵喺台灣冇第一都有頭十名呱😂*紅燒腱心半筋半肉牛肉麵 $88紅燒湯底採用新鮮牛脂拌炒各種香料、藥材、花椒麻椒，再加入牛骨湯煮足8個鐘。每一啖都有濃烈藥材香、微微椒麻香，濃而不膩。我揀幼麵，口感較腍，非常好吸湯。半筋半肉屬於肩胛位，牛筋滑嫩且有彈性，牛肉柔軟又不失肉感。。(下午茶餐) 台式冬菇肉燥拌麵 配紅油抄手 $88五花腩半肥瘦配冬菇粒，煮到入味，有少少膠質。幼麵煮得再腍啲，醬汁微甜，撈麵唔算好夾，而且肉燥大粒大粒，邊夾麵會邊掉落碗底。滷蛋正常發揮，半熟蛋黃唔錯唔錯。紅油抄手皮薄餡靚，每粒都有一隻蝦，非常飽滿。配辣油、脆豆，麻辣過癮，想一啖接一啖。