蘭陽食堂 (Closed)

原來荔枝角有間台灣素食店舖專做外賣，餐廳主力係做宜蘭古早味家鄉菜，以素食的形式展現出嚟，位於香工C座地庫，地點都幾隱蔽，朋友用電話落單，預返15分鐘取餐，除了電話落單仲可以經外賣平台deliveroo落單，都幾方便 手作冬粉梅菜餃配自家製五味醬拌麵 $48餃子皮都係店主自家制，餃子皮薄，餡料飽滿，雖然有梅菜係入面，但入口唔會好咸，加埋百搭嘅五味醬拌麵食，少少辣夠惹味 宜蘭家鄉素西魯肉飯配前菜 $48素魯肉飯同平時食開嘅魯肉飯好唔同，好多菜，如大白菜、冬菇絲、蘿蔔絲、蛋酥等，醬汁濃郁，入口甜甜的，沒有油膩感，我幾鍾意佢個前菜醃蘿蔔，酸酸甜甜好爽脆