Video
Read full review
2022-07-24
669 views
📍拉麵台風話說半個月前打風，天氣差到連人嘅心情都受埋影響，為左改善呢個鬱悶嘅心情突登搵啲好味嘅嘢食！本身諗住打風落雨應該冇乜人，點知12點幾嚟到都係要等幾張枱🫢🍽食物✨ 魚介豬骨湯拉麵 $78 8/10(+$25 特製叉燒)呢款係佢哋嘅經典湯底，嚟到見到個份量嚇親，面頭全部都係配料，連麵都見唔到😂跟佢個指示教先飲啖湯，係煮左好耐嘅濃厚豬骨湯底，撈埋魚粉再試，個湯底鮮味更明顯～ 加左特製叉燒之後總共有5塊😂食肉獸一定好滿足！叉燒係厚切，雖然肥嘅部份唔係好多，但係唔會煮到乾柴韌口。調味又唔會太鹹，浸一陣湯索左湯底味岩岩好，食晒呢碗真係飽到上心口！✨ 沾麵 $83 8/10呢款每日限量30碗，不過個湯底係魚介豬骨湯嘅濃厚版本😂味道幾乎一樣，只係比拉麵版本再鹹少少，配返粗麵食岩岩好。配料方面除左有一塊叉燒，其餘係肉粒，我就覺得大塊叉燒有滿足感好多！我比較中意食沾麵係因為可以避免啲麵長期浸住漲晒嘅問題～ 呢款麵嘅口感彈牙有咬口，一上嚟個湯係熱辣辣嘅，用冷麵去浸食到中期開始變涷可以叫店員加返熱湯，沾麵要熱辣辣咁食先好食架嘛😋👍🏻伊台風 $88 7/10呢個係蕃茄湯底配芝士，蕃茄湯感覺係熬左好耐，夠
話說半個月前打風，天氣差到連人嘅心情都受埋影響，為左改善呢個鬱悶嘅心情突登搵啲好味嘅嘢食！本身諗住打風落雨應該冇乜人，點知12點幾嚟到都係要等幾張枱🫢
🍽食物
✨ 魚介豬骨湯拉麵 $78 8/10
(+$25 特製叉燒)
呢款係佢哋嘅經典湯底，嚟到見到個份量嚇親，面頭全部都係配料，連麵都見唔到😂跟佢個指示教先飲啖湯，係煮左好耐嘅濃厚豬骨湯底，撈埋魚粉再試，個湯底鮮味更明顯～ 加左特製叉燒之後總共有5塊😂食肉獸一定好滿足！叉燒係厚切，雖然肥嘅部份唔係好多，但係唔會煮到乾柴韌口。調味又唔會太鹹，浸一陣湯索左湯底味岩岩好，食晒呢碗真係飽到上心口！
✨ 沾麵 $83 8/10
呢款每日限量30碗，不過個湯底係魚介豬骨湯嘅濃厚版本😂味道幾乎一樣，只係比拉麵版本再鹹少少，配返粗麵食岩岩好。配料方面除左有一塊叉燒，其餘係肉粒，我就覺得大塊叉燒有滿足感好多！
我比較中意食沾麵係因為可以避免啲麵長期浸住漲晒嘅問題～ 呢款麵嘅口感彈牙有咬口，一上嚟個湯係熱辣辣嘅，用冷麵去浸食到中期開始變涷可以叫店員加返熱湯，沾麵要熱辣辣咁食先好食架嘛😋
👍🏻伊台風 $88 7/10
呢個係蕃茄湯底配芝士，蕃茄湯感覺係熬左好耐，夠晒濃稠，食得到煮爛左嘅蕃茄肉同本身蕃茄嘅酸酸甜甜，唔係加茄膏去煮，連埋芝士多左陣奶香，係出面食唔到嘅味道。但係個湯底好濃嘅情況下加埋芝士，令成個湯更加稠😂 加上啲麵浸一陣索咁啲湯，令到碗麵痴埋一舊，要叫店員加湯先搞得掂。
極限台風(芫茜豬骨湯拉麵) $83
(冇認真品嚐評唔到分😂)
呢個係屋企人嗌嘅，唔食芫茜嘅我梗係敬而遠之，最後出於好奇心之下試左一口湯，真係受到10萬點衝擊😂 佢唔單止有好濃烈嘅芫茜草青味，個湯底係勁鹹，鹹過晒其他湯底嘅味道，個陣味係腦海中久久不能抺去🤯
⛩環境
👉🏻舖頭位置真係好少，加埋可能20個位都冇，所以都要排一陣隊
👉🏻同埋因為我哋坐嘅係有啲似後巷嘅位，衛生環境都係有待改善嘅🫢不過呢個價錢同呢個質素都冇咩好挑剔
💁🏼♀️服務
👍🏻店員服務態度有禮貌
👍🏻欣賞佢哋係客人等緊位嘅時候，已經派咗Menu比客人落咗單先，仲會remark返係邊位客人嘅order，一入座就好快有得食，避免客人等得太耐之餘，交枱嘅速度都會流轉得快左
📝總評 7.5/10
大件夾抵食係我第一個諗到嘅評語！但係佢哋又唔會將貨就價，同樣係一碗好高質嘅拉麵(˶‾᷄ ⁻̫ ‾᷅˵) 感受到師傅用心熬煮嘅湯底，唯一缺點係湯碗唔太保溫，涷得好快，如果由頭到尾都係食緊一碗熱辣辣嘅拉麵，咁就更加滿足啦！
👛人均消費 ~$86(連加一服務費)
⏱冇限時
🔎地址
荃灣大河道81號寶成樓地下7號舖
Post
