Dazzling Cafe (The ONE)

Open Now

Now Closed

dazzling cafe, 大家都唔陌生，台灣既過江龍，主打甜品意粉既主題餐廳，侍應係滿滿台灣口音的（唔知係咪台灣人），見到難得星期六12點唔駛等位，就入左去，平時排晒隊，可惜只有90分鐘。建議下次都要早d嚟嚟呢間，必飲水果茶，一壺都係$48~52，都有3杯，甜度剛好，我唔鐘意太甜的，水果茶香加新鮮水果，養生又好飲。上次試過，青醬雞扒意粉好食，今次叫返，可保持水準。青醬即係用大量香草切碎，加橄欖油攪拌，再加cream炒意粉，所以個醬好香，易入口。試新野，見menu話烏魚子係台灣空運過嚟，烏魚子炒意粉，碎晒既烏魚子好多，滿滿的鋪喺意粉上面，再加香草。烏魚子係咸香的，味道好濃，個人覺得始終喜愛傳統d既西餐，呢個唔係唔好食，但不是我杯茶。想食甜品，但唔比叫因為侍應說我們只有10分鐘，叫得嚟都食唔切，呢吓真係幾hurt, 原來90分鐘好快，下次記得一次過叫埋先有得食甜品。