小叻沙 (Closed)

今日放工同埋朋友諗住去灣仔飲酒，飲酒之前就諗住食少少野先，就見到福臨門附近有間主打喇沙既餐廳！入到去睇左menu ,選擇非常之多，不過我就比呢個原隻龍蝦喇沙吸引左我，就簡左呢個！黎到果然無令我失望，龍蝦非常大隻，麵底我就簡左油麵溝米粉，湯底係招牌叻沙湯底，內裡仲係用蝦膏蝦頭整成既！湯底有濃濃既蝦味，麵條吸哂湯汁既味道，好入味，龍蝦肉好爽口，蝦膏仲好多Tim !另外加20$ 仲可以有兩串馬來沙嗲，食落去肉質唔乾 仲好juicy !配料非常入味，再配埋佢地既沙嗲醬超正！下次lunch 又多一個好選擇。