Video
Read full review
2022-11-01
673 views
尖沙咀好多高質嘅餐廳隱藏喺啲樓上鋪，我哋今晚就食咗 Amina Modern European。佢呢度有兩個Menu，一個就多啲海鮮，一個就多啲黑松露。兩個Menu都高質，一人食一個就最開心😌等我逐個菜式介紹吓，真係好有驚喜，色香味俱全。每一道菜食物嘅配搭同埋擺盆嘅設計，都睇得出廚師真係好花心思，而且好有創意！打頭陣嘅係鵪鶉肉配自家製薯片，再加少少魚子點綴，味道好豐富。另一個頭盤係鵪鶉蛋黃Beef tartar配魚子醬，周圍有啲Parmesan cheese脆片，仲加咗黑松露同埋適用金箔喺面，非常矜貴！魚子醬色澤明亮，入口味道鮮味，正😋之後有龍蝦肉燒賣配龍蝦泡沫，中西合璧，感覺新穎又好食。白葡萄香檳啫喱配鵝肝醬係我最鍾意嘅頭盤，鵝肝醬口感幼滑，香檳啫喱可以解除少少肥膩嘅感覺，感覺冇咁Heavy。跟住嘅湯好特別，一半係蕃茄清湯，一半係蕃茄purée 配蕃茄燉蛋。蕃茄味道清新開胃，激活你嘅味蕾！輕輕煎香兩邊嘅北海道帶子配超迷你千層麵有驚喜，整咁細個千層麵真係考功夫😂 平時都唔太鍾意食pasta，呢個一啖就食完嘅千層麵啱晒我👍🏻青檸乳鴿係其中一個好出色嘅主菜，乳鴿肉質好幼嫩，青檸汁出奇地配搭
佢呢度有兩個Menu，一個就多啲海鮮，一個就多啲黑松露。兩個Menu都高質，一人食一個就最開心😌
等我逐個菜式介紹吓，真係好有驚喜，色香味俱全。每一道菜食物嘅配搭同埋擺盆嘅設計，都睇得出廚師真係好花心思，而且好有創意！
打頭陣嘅係鵪鶉肉配自家製薯片，再加少少魚子點綴，味道好豐富。
另一個頭盤係鵪鶉蛋黃Beef tartar配魚子醬，周圍有啲Parmesan cheese脆片，仲加咗黑松露同埋適用金箔喺面，非常矜貴！魚子醬色澤明亮，入口味道鮮味，正😋
之後有龍蝦肉燒賣配龍蝦泡沫，中西合璧，感覺新穎又好食。
白葡萄香檳啫喱配鵝肝醬係我最鍾意嘅頭盤，鵝肝醬口感幼滑，香檳啫喱可以解除少少肥膩嘅感覺，感覺冇咁Heavy。
跟住嘅湯好特別，一半係蕃茄清湯，一半係蕃茄purée 配蕃茄燉蛋。蕃茄味道清新開胃，激活你嘅味蕾！
輕輕煎香兩邊嘅北海道帶子配超迷你千層麵有驚喜，整咁細個千層麵真係考功夫😂 平時都唔太鍾意食pasta，呢個一啖就食完嘅千層麵啱晒我👍🏻
青檸乳鴿係其中一個好出色嘅主菜，乳鴿肉質好幼嫩，青檸汁出奇地配搭，好食！
食肉獸最後食咗西冷配上非常香滑嘅薯蓉，旁邊嘅配菜顏色豐富，一啲都唔馬虎，千祈唔好浪費。
最最後甜品有豆腐薑汁焦糖燉蛋，豆腐味同薑味都突出。
Petit four用一舊雲裝住，雲係食得㗎！！！菠蘿汁嘅味道，口感比棉花糖實少少，好特別。
呢度環境清靜，燈光幽暗，好適合食飯傾偈。如果小型party仲可以包場👍🏻👍🏻 食之前記得去OpenRice 訂位，抵啲㗎！
佢哋遲啲有high tea，大家都去chill下啦～
Post
