Video
Read full review
2024-11-25
205 views
去台灣旅行，真係日日都食好西，我哋剛剛去就晚晚夜市掃街，返到嚟香港都不忘繼續食台灣嘢！台灣除咗火鍋出名，燒肉都同樣出名！今次就同老公自私去食 #安平燒肉。而面對去完旅行洗咗好多錢都唔怕，因為我哋係食「90分鐘月光族急救吃到飽餐」，我哋食 S2 餐，有齊牛、雞、豬揀。仲要係全日供應，價錢由 $188 至 $228，如果安平會員更可以會員價 $168 至 $208 食！我就大推台灣出名嘅 #黃金泡菜，平時食嘅都係酸酸辣辣，黃金泡菜就係咸咸地，入面會有花生 (堅果敏感者要小心喔!)另外，仲食咗嫩肩板牛肉，醬燒雞爽肉，燒滷豬大腸，九層塔三杯雞，上選牛腹肉，豬五花等等⋯另外，仲有食物區任食，有 #起司鵪鶉蛋、#士林小香腸、#奶油金菇、#花枝甜不辣、#蔬菜甜不辣 等等⋯記住呢啲食物係要煮熟先食得㗎！至於醬料區，都係安平燒肉吸引之一，就係佢哋嘅「十二味醬專區」；必試 #招牌黃金醬 (蔬菜汁配台灣麻醬)，#五味醬 (經典台式醬汁)、#椒麻口水醬 (充滿花椒香氣)；你又鍾意邊一款醬汁？仲有必定要留肚食嘅 #安平櫻花蝦飯，有櫻花蝦、香蔥、海苔或秘製的滷水汁提供，可以跟住步驟嚟整，亦可以自由添加，製作一碗獨
去台灣旅行，真係日日都食好西，我哋剛剛去就晚晚夜市掃街，返到嚟香港都不忘繼續食台灣嘢！台灣除咗火鍋出名，燒肉都同樣出名！今次就同老公自私去食 #安平燒肉。
而面對去完旅行洗咗好多錢都唔怕，因為我哋係食「90分鐘月光族急救吃到飽餐」，我哋食 S2 餐，有齊牛、雞、豬揀。仲要係全日供應，價錢由 $188 至 $228，如果安平會員更可以會員價 $168 至 $208 食！
我就大推台灣出名嘅 #黃金泡菜，平時食嘅都係酸酸辣辣，黃金泡菜就係咸咸地，入面會有花生 (堅果敏感者要小心喔!)
另外，仲食咗嫩肩板牛肉，醬燒雞爽肉，燒滷豬大腸，九層塔三杯雞，上選牛腹肉，豬五花等等⋯
另外，仲有食物區任食，有 #起司鵪鶉蛋、#士林小香腸、#奶油金菇、#花枝甜不辣、#蔬菜甜不辣 等等⋯記住呢啲食物係要煮熟先食得㗎！
至於醬料區，都係安平燒肉吸引之一，就係佢哋嘅「十二味醬專區」；必試 #招牌黃金醬 (蔬菜汁配台灣麻醬)，#五味醬 (經典台式醬汁)、#椒麻口水醬 (充滿花椒香氣)；你又鍾意邊一款醬汁？
仲有必定要留肚食嘅 #安平櫻花蝦飯，有櫻花蝦、香蔥、海苔或秘製的滷水汁提供，可以跟住步驟嚟整，亦可以自由添加，製作一碗獨一無二嘅拌飯。
甜品一定要試埋 #芋圓薑汁布丁杯，冬日甜品首選；仲有雪糕機，可以隨時整一杯嚟食，有多款配料選擇！
總結：90分鐘月燒族餐真係好飽，一定要留肚食櫻花蝦飯，仲有好多飲品選擇，有冷泡茶，汽水，台式飲品。下次要帶埋仔女嚟食！
Post
