河內越式料理 (村南道)

Open Now

Now Closed

今日同朋友嚟到河內越式料理店食晚飯，大圍得八度，天寒地凍下，好想食熱呼呼嘅東西。一入店，店員斟咗杯茶俾我地。茶嘅味道好特別，有股獨特嘅香味。好奇下問問店員，原來係老闆從越南買嘅茶葉沖泡而成，這些越南茶葉確實增添了地道風味。主食方面，我地分別叫咗碗順化番茄蟹肉扎肉湯檬同極品牛三寶湯河粉。牛三寶湯河包括牛展、生牛肉同牛丸，好足料、好大碗、好夠飽！番茄蟹肉扎肉湯檬採用新鮮番茄做湯底，朋友大讚湯濃好味，忍不住多呷幾口才吃檬粉。我哋仲叫咗炸春卷同埋蝦餅兩款小食，春卷皮脆多餡料，蝦餅彈牙不油膩。飲品方面，我地叫咗椰汁珍多冰同熱檸檬蜜糖薑茶。薑茶嘅用料無論檸檬還是薑都好新鮮，薑味好出但唔會太辣口，寒冷下驅寒一流。不過，即使天冷，朋友還是鍾情椰汁珍多冰，説這裡的珍多冰椰奶香濃，味道調配得恰到好處，無論天氣有多冷，也會點選這款令人難以抗拒的特色飲品。