Video
Read full review
2023-04-03
151 views
知道調景嶺商場又開咗新火鍋店，🔥 最鍾意打邊爐的我， 即刻拉埋老友一齊試新。 驚住中午多人冇位， 我哋兩點先至嚟食， 好彩有位 。🥳🥳帶位嘅哥哥仔非常之有禮貌， 熱情招呼， 介紹不同的火鍋套餐 ，我哋揀咗中間價錢， 極品美國牛小排餐 ，299一位 ，內容非常豐富， 睇見都開心。 湯底都有好多款 ，識飲識食嘅我哋自然係首先揀呢度嘅招牌湯底 ，骨膠原豐富 ，博多美人骨膠原啫喱雞白湯。有濃湯自然就有清湯，另一個湯底我就揀咗昆布湯， 我知道昆布湯係可以令到肉類同海鮮嘅味道更加突出， 所以湯底一濃一淡，就係最好嘅選擇 。揀完湯底就去自助區揀調味料同埋飲品， 仲有蔬菜 ，呢度嘅自助區選擇真係太多啦，調味料區非常整潔 ，每樣配料都係乾淨企理新鮮亮麗， 見到就想畢多幾羹。 火鍋蘸料自然少不了蒜蓉， 芫茜， 麻油，乾蔥 ，新鮮辣椒， 豉油 ，最特別就係有柚子醋。 跟住就去攞蔬菜 ，我習慣打邊爐係先食少少蔬菜 ，咁樣就冇咁容易食滯， 呢度嘅蔬菜都係好新鮮 ，我哋就揀咗羽衣甘藍，油麥菜， 南瓜 ，芋頭，苦瓜，冬瓜， 響鈴， 蓮藕 ，金菇，雲耳 ，五顏六色乜都攞啲， 攞完蔬菜我哋點嘅火鍋料就已經上臺 。首先亮
知道調景嶺商場又開咗新火鍋店，🔥 最鍾意打邊爐的我， 即刻拉埋老友一齊試新。 驚住中午多人冇位， 我哋兩點先至嚟食， 好彩有位 。🥳🥳帶位嘅哥哥仔非常之有禮貌， 熱情招呼， 介紹不同的火鍋套餐 ，我哋揀咗中間價錢， 極品美國牛小排餐 ，299一位 ，內容非常豐富， 睇見都開心。
247 views
1 likes
0 comments
湯底都有好多款 ，識飲識食嘅我哋自然係首先揀呢度嘅招牌湯底 ，骨膠原豐富 ，博多美人骨膠原啫喱雞白湯。
有濃湯自然就有清湯，另一個湯底我就揀咗昆布湯，
我知道昆布湯係可以令到肉類同海鮮嘅味道更加突出， 所以湯底一濃一淡，就係最好嘅選擇 。揀完湯底就去自助區揀調味料同埋飲品， 仲有蔬菜 ，呢度嘅自助區選擇真係太多啦，調味料區非常整潔 ，每樣配料都係乾淨企理新鮮亮麗， 見到就想畢多幾羹。
火鍋蘸料自然少不了蒜蓉， 芫茜， 麻油，乾蔥 ，新鮮辣椒， 豉油 ，最特別就係有柚子醋。
跟住就去攞蔬菜 ，我習慣打邊爐係先食少少蔬菜 ，咁樣就冇咁容易食滯， 呢度嘅蔬菜都係好新鮮 ，我哋就揀咗羽衣甘藍，油麥菜， 南瓜 ，芋頭，苦瓜，冬瓜， 響鈴， 蓮藕 ，金菇，雲耳 ，五顏六色乜都攞啲， 攞完蔬菜我哋點嘅火鍋料就已經上臺 。
首先亮相嘅就係美國牛小排， 一睇就知道好新鮮，小小綑邊脂肪嘅牛小排， 喺湯底淥一淥就食， 非常鮮嫩美味， 就算唔用醬汁 ，都好夠味， 係高質嘅牛小排。
跟住就試各種唔同部分嘅牛肉 ，有牛板腱 ，牛舌 ，牛肩胛， 和牛 🐄🦬🐮，
仲有羊肉 ，🐐雞肉 ，🐔豚肉 ，🐖每樣都係新鮮滑溜，甜美多汁 ，食完一輪肉類，
就到海鮮類， 我哋揀咗廣島蠔，🦪 鮮海蝦 ，🍤青口，🦪 扇貝 ，全部都係好新鮮嘅食材 ，嗰啲蠔係肥嘟嘟嘅大大粒， 咬落口係會爆汁嘅，🤗🤗 海蝦搣開係好爽口，🦐 完全唔使加調味料都好鮮味， 青口同扇貝🦪一樣係鮮味無比，食不停口 。食完一輪又再叫過。
店小哥的服務效率非常快 ，🏃♀️🏃落完單一陣就已經送到， 而且非常主動幫我哋加湯， 收碟， 服務一流 。喺呢度打邊爐真係舒服， 座位嘅設計亦都講求科學， 個爐擺喺旁邊而唔係擺喺中間， 咁樣食起來就會舒服啲，唔洗對正個熱爐。 食到飽飽之後又可以去自助飲品區斟番杯清香嘅綠茶， 慢慢飲下傾計， 回味下頭先鮮味多汁嘅牛肉同埋海鮮。 呢個價錢真係物超所值 ，食物種類多， 坐得好舒服， 服務非常殷勤到位， 所以係值得一再幫襯嘅火鍋店。
Post
