孖寶去骨海南雞 (Go Go Mall)

Open Now

Now Closed

依間海南雞喺屋企附近開咗幾個月，早排見無乜人入去食，怕中伏所以一直無去幫襯，今日放假經過，見到鋪入面多返啲人氣，又見啲套餐既價錢都算貼地，於是決定入去試一餐。我兩個人食，於是點咗一個二人餐。個餐入面有半隻無骨海南雞，一個餸（好似有8款揀，但我無影低），一碟油菜，兩碗油飯，兩碗湯，以及兩杯飲品。食物黎講，我覺得個海南雞🐓不過不失，個餸我揀咗一個糖醋骨（但以我認知應該係梅子排骨嚟，食落口都開胃既）。而最出色反而係個湯同埋碗油飯！碗湯有雞腳！碗油飯🍚我無影相，但我可以形容依碗飯煮到粒粒飽滿分明，好吃！唔好叫凍檸茶，我飲咗一啖之後叫阿姐俾杯水我飲算。如果再去我會叫返啲普通飯餐試下，好似會抵食啲。