Poseidon Restaurant & Bar (Closed)

餐廳位於亞里士道一楝唔太起眼嘅大廈，不過餐點非常有驚喜！前菜方面，我哋叫咗一份鱘魚黑魚子三文魚他他，魚子醬、魚肉加上紅菜頭，非常清新同開胃。小食方面，芝士肉醬牛油果薯條亦都非常出色，上菜嘅時候係新鮮滾熱辣炸起，肉醬嘅份量澎湃，牛油果亦都好新鮮，係一個比較少見嘅配搭。主菜方面，我哋叫咗海膽芝士扁意粉同黑松露燒雞。意粉嘅芝士味好香，但一啲都唔會過份油膩；黑松露燒雞味道非常濃，所有窿窿罅罅都充滿黑松露，食落非常滿足🤤餐廳嘅燈光偏暗，加上出色嘅餐點，係一個晚上放鬆食飯嘅好地方。