緬甸招牌湯米線 (Closed)

本身想去梭亞道搵食，行過見到呢間緬甸米線舖，早排成日facebook見到好似好出名，入去會一會佢啦。舖頭係小店，會坐得迫同局促小小，我又冇乜所謂，香港勝在有土地問題丫咬況且食物先係重點！於是叫左個招牌魚湯米線($45)，同行友人叫左香茅雞扒配椰香飯($52)同緬甸珍多冰($20)。呢張係佢貼喺牆嘅剪報呢張係實物拿見到同相差咁遠話冇失望就假嘅。同埋個份量一睇就覺得略細(我攞三哥兩餸做指標，公唔公平就因人而異啦)，仲要係$45碗架喎。唔緊要，試左先。牆上篇報導大概話除左魚，仲有用黃薑粉炒過嘅其他肉同香料。湯係好濃好厚，但可能香料同黃薑粉太勁，我嗒唔出魚味呀媽魚片略硬，街邊搵間魚蛋粉都有味好食過佢。唯一加左d魚露同辣粉好食返少少。同行友人個飯份量都係細左少少..冇偷食所以唔比其他評語喇。