緬甸招牌湯米線 (Closed)

放學睇戲前去食 之前食過感覺吾錯 今次再去好食但吾算好抵 叫個椰汁雞飯得3舊雞 朋友食雞翼都係得4隻 雖然係啖啖肉 不過吾夠撈飯😟 吾知係咪岩岩開門冇耐 好多嘢都未有😌仲諗住食蕃茄系列

小店異國風情本身都鐘意食魚湯粉麵，而呢度既魚湯米線可以話係一試難忘。老闆娘將家鄉特色風味，由緬甸帶黎香港，真係非常特別！ 招牌魚湯米線成碗都係薑黃色，但一d都唔辣，除左用薑黃入湯底，唔少得鮮甜魚味，仲加埋香茅同特色香料，成碗湯都充滿異國風味，加埋豆卜索晒湯汁非常合拍！ 不得不提係豆餅，出面真係好少機會食到，脆口但唔熱氣，而且好有豆香味。下午茶免費跟配緬甸奶茶或咖啡，成件事完美晒～

夜晚10點行過勝利道搵嘢食，餐廳入邊仲錯門晒人唯有外賣返屋企食。點了個緬甸咖喱雞飯，咖喱很香，但不會太辣。送飯一流👏🏻👏🏻，不過外賣飯份量有一點少，下次會要求多飯😂😂😂還有點了凍奶茶，有點像泰式奶茶，不會太甜，感覺很好👍🏻👍🏻👍🏻

呢間店唔大，但附近已經有第二間分店。叫左曼德勒鮮茄滋味撈麵，賣相幾好。鮮茄好香，有D肉碎，個湯底都好濃，麵質好唔錯，雖然幼，但都幾滑。一開始見佢唔係大兜，估唔到都幾飽。

Lunch time, 同事話上次食過依間餐廳覺得好好食，所以今日就去食。但由於我太肚餓，所以我想食飯，感覺上會飽肚D...佢地就叫米線，佢地兩個都話好好食⋯我望到都覺得佢地果個好好食咁⋯而我就叫左個緬甸泡菜回鍋肉⋯因爲佢寫住廚師推介咁。其實都估到泡菜唔會好似韓國既泡菜咁⋯但估唔到係似炸菜。肉既分量唔太多，可能因為我本身鍾意食肉啦，所以覺得唔係好夠。另外，叫左個時菜，次次唔同，今次就係生菜。又另外加錢叫左杯熱檸水。可能真係各人口味唔同⋯⋯所以我唔識欣賞⋯我自己都係鍾意食中式果款果D...不過咖哩雞撈麵就真係值得推介的。環境方面就唔洗等位，坐得舒服⋯一個飯加菜加飲品$62。

出街食粉麵平時一定唔會飲湯，皆因味精同肥油一定有。尋日行美食展，聽到店主話飲得成碗湯，係魚湯煲5小時煲成！ 我就一試，果然飲完成日都無好口渴！正！好特別既緬甸菜！碗湯底係精華所在！

初初見到係緬甸嘢食，覺得幾新奇幾得意，都好似冇乜機會食過，亦都冇係香港見過有咩餐廳係緬甸野食。見到門口都多人排隊，望入去門面都好多報章呀雜誌推介。不過見到鋪頭入面其實都幾細，所以就冇特別等位嗌左外賣自取返去試叫咗緬甸香滑椰汁雞麵。一開已經好香，不過其實就細細碗咁樣啦，同埋個汁都好濃，哈哈。感覺不點”漏”🙈個人比較non重口味🤣 所有就算細細碗，都無食唒亦都所以係唔夠飽既lolllPs宜家窩打老道開多左間大點的分店～

成日聽日推介既依間緬甸米線，隔左成個月終於去試試～————————————————睇過餐牌，決定叫👑招牌菜💡Mohinga 鮮魚濃湯米線 $48 ————————————————- 🥣湯底用唐蚤魚蓉和葱、🌶紅椒粉、黃薑粉等 調味炒香，再放進海魚湯熬煮，過程需約六小時而成， 無加味精👍- 飲落淡淡魚香🐟，質地較平常湯底濃稠，帶微酸- 伴菜帶魚片（比平時港式的較硬身，淡味）， 豆卜（完全吸哂湯汁）同特式既緬甸黃豆餅- 黃豆餅中黃豆仍然香脆，為碗麵添多左層次- 米線選用較幼身米線，配合濃郁湯底一流- 食得辣可加少少辣椒🌶️粉，令湯頭無咁易膩 .*題外話：相比澳門的三棧燈緬甸米，依間比較清淡少油～值得番回頭👍——————————————💁🏻‍♀️緬甸招牌湯米線 (何文田)何文田勝利道12號地舖 💡💡留意番，勝利道間鋪得3-4張枱，如果人多可以去附近分店，培正隔離會大D 舒服D😉~ ————————————————

特登跨區過去何文田食呢碗魚湯米線（ $48 ），因為講到明係濃湯，而冇落味精，完全係我心目中想食嘅食物。好可惜，碗麵嚟到，飲啖湯，真係一啲魚味都搵唔到， 見介紹話係魚加雞煲出嚟嘅湯，但係一啲雞味亦都冇，只有小小香料味，小小鹹味，多多酸味，就沒有其他味了。米線一夾起即斷，冇咬口，反而雞絲幾有雞味，可能應該食雞絲撈麵會效果更好。凍飲羅望子特飲（ $20 ）酸酸地不算10分特別，但在炎熱天氣中算很解渴，但真心10分細杯。店子冷氣嚴重不足，食到大汗踏細汗。總括而言，真是10分10分失望。

放工趕及欣賞過蒙家模師生長衫展GRAND OPENING後，先醒起自己LUNCH都未食.... 即刻去附近睇下有咩好食。走入勝利道，見到一家小店 (香港人要撐多尐小店呀 !) 係緬甸麵食，對於緬甸認識不多，在店門前看看介紹，主打係以薑黃為湯既，看到薑黃二字個人即刻叮咗一聲 !  全店座位不多，是名副其實的小店。黃薑乃天然抗生素，好處多籮籮。緬甸招牌漁湯米線配料有魚片、豌豆脆等，口感豐富。米線較一般粗身，掛汁而彈牙湯底濃稠，色澤質感就像咖哩，味道鮮濃。一邊食一邊周圍望, 見到依張POSTER，請教一下店員們什麼是羅望子。原來係在東南亞舖見過一條條乾咗而有殼既大豌豆，望落型態有點像條狀的"便便"  ; 羅望子又稱為酸豆，去殼洗淨來煲便可。膠壺中正正是店員今日剛煲好既緬甸羅望子特飲店員請我飲一小杯羅望子特飲，酸酸地，有點像酸梅湯，但當中只係用咗羅望子再加少少黑糖提味而成的

今日係何文田學完車，就去左附近搵野食醫肚😛緬甸米線??幾特別wor~ 價錢又唔貴😍曼德勒鮮茄滋味米線❤️番茄湯濃郁，茄蓉豐富，香料令整個湯底有層次。Mohinga 鮮魚濃湯米線❤️魚湯鮮味，配料豐富，魚片彈牙，豆卜充滿湯嘅精華😋緬甸家鄉手抓餅❤️熱辣辣， 沾上特色醬汁，惹味👍緬甸黃薑脆脆雞翼❤️黃薑配炸蒜，好香口😋雞翼唔會overcook。嫩滑美味~ 緬甸龍眼冰❤️有d似泰式嘅龍眼冰但呢度偏甜少少☺️緬甸黃薑蜜特飲❤️特式飲品~相信好多女生會鐘意飲。薑味唔會太辣，加上甜甜既蜂蜜，感覺好健康養顏😚

走冰後的飲料只有半杯，但它的價錢是$20一杯。青檸蜜瓜椰果特飲，只不過是普通的青檸梳打水加椰果。我從職員得知冷麵叻督是不辣的情況下，才點這個餐，但其實都頗辣，不適合怕辣的人。食物味道一般，但職員都頗友善。我不會推介這間餐廳，若抱著好奇的心態，也一試無妨。最好不要假期的時候來，因為價錢會比平日貴。

路過呢一間緬甸小店， 即管走入去試下，叫咗佢哋出名，Mohinga鮮魚濃湯米線 , 佢哋問我要唔要辣，我就叫個小辣嚟試下。 而且加8蚊午餐時段，可以優惠叫一杯飲品，我就叫咗一杯羅望子 (凍的)。 大熱天時真係非常解渴呢杯羅望子 又唔係太酸又唔係太甜啱曬口味 。 戲肉嚟嘞個咪線來到 碗內連埋一啲好似豌豆咁樣脆卜卜塊， 店主話俾我聽係D緬甸小食，非常之得意，又非常之惹味， 個湯 我真係唔知點形容，又好似係咖哩，又好似食 緊咖哩烏冬湯底一樣 。 仲有幾塊魚片，魚片不是自家制交貨來，有啲腥味，唔係咁新鮮變咗大打折扣 。食完之後一啲都唔覺得口渴 。 有機會都會再嚟試下去其他美食 。

之前看到報章介紹的招牌魚湯米線。位置方面也不是太難找尋的。招牌魚湯米線裏面有黃薑粉， 湯底濃郁帶有魚味 (是用塘虱魚五個多小時淆製的湯底) 加入黃薑粉之後有淡淡的辣味，用來做湯底也是一個幾特別的配搭。 魚湯米線分量也是足夠的，米線入口比較煙韌，而米線的粗幼是比一般我在街上吃到的米線比較幼。點了一杯黃薑凍飲，因為黃薑可以抗感冒，提高免疫力多喝可有助身體健康。店舖入面位置不多，但冷氣涼度不足夠，應該在比較熱的天氣下，吃完熱湯米線會流汗吧！

喺香港真係幾幸福，基本上你諗到你諗唔到既都有得食。身為國際級吃貨既我決定去試一試我未食過既菜式-緬甸菜🎉香港可以食到緬甸菜既地方唔多，今晚我就同屋企人一齊去左旺角勝利道既-緬甸招牌湯米線試一試。餐廳門口有個牌介紹緬甸菜既特色，等食客食飯前先了解一下緬甸菜。前菜我地叫左個-緬甸特產清香薑沙律薑味凸出而唔辣喉，配上清甜多汁既蕃茄加上酸酸甜甜既秘制醬汁，非常開胃主菜我地叫左一個飯一個撈麵曼德勒紅燒腩肉飯紅燒腩肉肥而不油，選用五花腩入口即溶。醬汁偏甜但唔會令人覺得奇怪，帶微辣反而愈食愈想食。曼德勒鮮茄撈麵蕃茄新鮮多汁，麵身爽口。帶微辣既醬汁令撈麵多添一份惹味。緬甸黃薑脆脆雞翼雞翼食得出即叫即炸，外酥內嫩多汁，黃薑味夠特別。緬甸家鄉手抓餅手抓餅酥軟香口，跟配既咖哩味道有別於一般既咖哩，相信因為加左黃薑粉，香味獨特可口。整體味道非常好，而且同平時食既菜式味道好唔同，非常值得一試