Video
Read full review
2010-08-27
22 views
久唔久 Super Sandwiches 會轉吓三重奏套餐嘅配搭，今次睇嚟合我心水！仲要係 Asian Fusion ！ 焗薯三重奏套餐：龍蝦仔配日式芥末沙律醬拼香草燒雞焗薯、吞拿魚沙律牛角包、凱撒沙律。凱撒沙律 :賣相吸引！份量適中！以生菜、煙肉粉、拌上沙律醬；灑上蒜茸麵包粒及芝士碎條做成。沙律看似簡單，各種材料嘅配搭，加入材料嘅先後次序，都有技巧。還有，生菜一定要新鮮，醬汁更是關鍵！生菜清爽鮮嫩，燈光下更有光澤！生菜切段，容易入口！拌上沙律醬，能帶出生菜鮮嫩；亦食出田園風味！灑上少許蒜茸麵包粒脆卜卜，咸咸地嘅煙肉粉，食落更惹味！令人開胃！亦不失口感！龍蝦仔配日式芥末沙律醬拼香草燒雞焗薯：第一口已經食到攻鼻嘅 Wasabi 日式芥末沙律醬，Wasabi 沙律醬配合龍蝦仔，面頭仲有蔥粒同煙肉粉；煙肉粉除了作點綴之餘，咸咸地可以當調味。味道配合起嚟都唔錯！反而，我覺得 Wasabi 沙律醬跟焗薯唔多夾味，似乎有點怪！龍蝦仔有啲甜味，唔同坊間食到嘅淡味蝦！龍蝦仔與焗薯之間係香草燒雞沙律，薄薄嘅雞肉都算滑，混了沙律之後，顯得無咁乾！薯仔焗得夠哂腍，美國薯仔係比較甜之餘，亦比較透身！街市買到
焗薯三重奏套餐：龍蝦仔配日式芥末沙律醬拼香草燒雞焗薯、吞拿魚沙律牛角包、凱撒沙律。
凱撒沙律 :
賣相吸引！份量適中！以生菜、煙肉粉、拌上沙律醬；灑上蒜茸麵包粒及芝士碎條做成。沙律看似簡單，各種材料嘅配搭，加入材料嘅先後次序，都有技巧。還有，生菜一定要新鮮，醬汁更是關鍵！生菜清爽鮮嫩，燈光下更有光澤！生菜切段，容易入口！拌上沙律醬，能帶出生菜鮮嫩；亦食出田園風味！灑上少許蒜茸麵包粒脆卜卜，咸咸地嘅煙肉粉，食落更惹味！令人開胃！亦不失口感！
龍蝦仔配日式芥末沙律醬拼香草燒雞焗薯：
第一口已經食到攻鼻嘅 Wasabi 日式芥末沙律醬，Wasabi 沙律醬配合龍蝦仔，面頭仲有蔥粒同煙肉粉；煙肉粉除了作點綴之餘，咸咸地可以當調味。味道配合起嚟都唔錯！反而，我覺得 Wasabi 沙律醬跟焗薯唔多夾味，似乎有點怪！龍蝦仔有啲甜味，唔同坊間食到嘅淡味蝦！龍蝦仔與焗薯之間係香草燒雞沙律，薄薄嘅雞肉都算滑，混了沙律之後，顯得無咁乾！薯仔焗得夠哂腍，美國薯仔係比較甜之餘，亦比較透身！街市買到嘅薯仔，熟咗依然感覺好實色！不過， Size 同個橙差唔多。 對比之前食過類似嘅三重奏套餐，個薯仔係大啲架！真係越食越縮水！雖然薯仔夠飽肚，又係相等於飯嘅糖份三份之一；但係食得薯仔多會引起胃脹，都係唔好食太多！
吞拿魚沙律牛角包：
兩者都係我鍾意嘅食物！吞拿魚夾喺牛角包裡，食起嚟有牛角包嘅牛油味及香酥味，亦食到濕濕地嘅吞拿魚沙律，味道各發揮所長！其實，呢個係一個失敗嘅牛角包，單睇外形，已經無咗最重要果對角； 驟眼睇勉強可以話似一彎明月。賣相欠奉！無錯係夠鬆軟、面仍然脆；可惜缺乏一層一層嘅感覺，酥皮略遜一籌！相信需要更多時間發酵，酥皮才會更好！
熱檸檬水：
呢個餐可跟一杯熱咖啡/特飲/湯/ 熱茶。其中一款特飲係凍檸檬蘋果雪梨蜜，上次試過呢款特飲；有些果肉粒，可惜較偏甜！飲完即刻咳！攪到我怕怕！
今次呢個餐份量出乎意料多，飲番杯熱檸檬水一來可以幫忙消化，二來檸檬含豐富的維他命C；藉此補充一下！況且，糖分可以適隨專便，加多加少。對健康都好啲啦！
我正是坐在近門口有透明隔板嘅位置，好自然會望吓左右隔離食啲咩！唔多覺有人叫呢個餐！唔知係咪份量太多呢？
Post
