Video
Read full review
2023-07-01
1054 views
🦀長腳蟹小編每次去食buffet除左鍾意食生蠔，就非常之鍾意食長腳蟹。今次嘅長腳蟹呢，總體質素都算滿意嘅。除咗一開頭有幾條唔夠OK 之外，大部分都好似真係食緊蟹柳咁，新鮮嘅蟹腳係可以喺隻腳啪開成條拉出嚟嘅，今次呢好多都做到。蟹腳食落鮮甜，仲食到有啲海水味。算係合格之上。🦞龍蝦今次嘅龍蝦食落既口感肉質結實彈牙，唔係好似擦子膠咁，每一隻龍蝦都保留左有啲蝦膏喺度，蝦膏嘅味道好香但係肉質嘅味道就比較清淡。不過小編都食咗兩三四隻🍣刺身刺身就比較遜色啦😓。吞拿魚嘅顏色暗淡無光，小編就真係唔敢試啦。今次食咗三文魚八爪魚油甘魚，呢三樣呢，雖然話好少出事，但肥美與否就反映到佢地既質素啦。今次嘅刺身就完全稱不上係肥美，絕對唔係魚腩嘅部位。以buffet嘅質素嚟講，算係不過不失啦。🥩Roasted Beef呢個烤牛肉算係幾好食喎，小編今次試嘅部分算係比較開頭既部份，好多餐廳喺呢個位置都已經食到overcooked㗎啦，咁但系佢喺呢個位置都做到大概係接近七成左右嘅生熟程度，仲保留到有啲血水。咁可能有啲人就會覺得太生啦，但係呢個程度小編就岩岩好啦。因為冇overcook，食落去都唔會好鞋同擦子膠，肉質都算嫩滑，
小編每次去食buffet除左鍾意食生蠔，就非常之鍾意食長腳蟹。今次嘅長腳蟹呢，總體質素都算滿意嘅。除咗一開頭有幾條唔夠OK 之外，大部分都好似真係食緊蟹柳咁，新鮮嘅蟹腳係可以喺隻腳啪開成條拉出嚟嘅，今次呢好多都做到。蟹腳食落鮮甜，仲食到有啲海水味。算係合格之上。
🦞龍蝦
今次嘅龍蝦食落既口感肉質結實彈牙，唔係好似擦子膠咁，每一隻龍蝦都保留左有啲蝦膏喺度，蝦膏嘅味道好香但係肉質嘅味道就比較清淡。不過小編都食咗兩三四隻
🍣刺身
刺身就比較遜色啦😓。吞拿魚嘅顏色暗淡無光，小編就真係唔敢試啦。今次食咗三文魚八爪魚油甘魚，呢三樣呢，雖然話好少出事，但肥美與否就反映到佢地既質素啦。今次嘅刺身就完全稱不上係肥美，絕對唔係魚腩嘅部位。以buffet嘅質素嚟講，算係不過不失啦。
🥩Roasted Beef
呢個烤牛肉算係幾好食喎，小編今次試嘅部分算係比較開頭既部份，好多餐廳喺呢個位置都已經食到overcooked㗎啦，咁但系佢喺呢個位置都做到大概係接近七成左右嘅生熟程度，仲保留到有啲血水。咁可能有啲人就會覺得太生啦，但係呢個程度小編就岩岩好啦。因為冇overcook，食落去都唔會好鞋同擦子膠，肉質都算嫩滑，味道呢都會令你想食多一塊嘅🤭。
🍦開心果雪糕
萬麗咖啡室係選用XTC Gelato嘅雪糕，並唔係一般H字頭或者M字頭的雪糕品牌。而開心果雪糕直情係小編嘅重點推介😆！！呢幾年好多餐廳都有出開心果雪糕，但就未必係每一間都整得好食。今次呢一個開心果雪糕食落去嘅時候已經有濃郁嘅開心果味，亦都冇食到果仁類嘅苦澀味，所以小編都根據慣例食咗幾球，亦都重點推介畀大家！真係好好食呀！
🍨朱古力雪糕
除咗開心果雪糕之外，小編亦都好推介朱古力雪糕。全因朱古力雪糕嘅濃郁程度好似食緊淡淡朱古力醬咁！
🧇窩夫
哩度亦都有即制嘅窩夫，小編非常欣賞呢度窩夫嘅質感。有時食到啲窩夫淨係得個脆字，入面都食唔到果種軟糯嘅感覺。但嚟呢度嘅窩夫就脆得嚟亦都食到裏面軟棉棉嘅感覺。鐘意食窩夫嘅朋友都唔好錯過！
至於服務方面，侍應嘅服務態度非常好，亦非常之快咁清理空碟。雖然餐廳只係包1杯飲品，意思係包1杯橙汁或者凍檸茶或者汽水，但其實餐廳有供應咖啡機同茶包同檸檬，即係話大家都可以享用一啲熱飲☕🍵嘅飲品包括Latte、cappuccino、自製熱檸檬茶或者係茶包飲品。
Post
