凱日粵菜館

Open Now

Now Closed

星期六晚，約咗屋企人係九龍灣食晚飯，諗住搵間易啲搵位酒樓，由九龍灣站經德福花園行去宏開道8號其士商業大廈大約5分鐘路程，我記得依度前身係大榮華酒樓，傍晚大概未夠六點已經到達酒樓，已經有兩枱客。環境光猛，整潔乾淨，洗手間乾淨程度一般。我哋六個大人，兩個小朋友，叫咗個套餐，幸運美滿餐，半席全包$1788，仲包六罐汽水百事七喜，道地罐裝飲品。香片茶：水夠熱，飲咗成晚都唔需要加茶葉都夠味，侍應有更換新碟，服務幾好。唯一唔好，就係15分鐘內上晒所有菜，除咗炒飯及蟠桃！如果分開上菜會比較好啲。咁嘅價錢，真係算好抵食。