EverShine

Open Now

Now Closed

Item: EverShine
Rating: 5
Author: Shinchan1993

4.5

421 Reviews

Taste

Decor

Service

Hygiene

Value

17490

Central

$51-100

Western Coffee Shop Food Wise Eateries

335

Info:
Restaurant:	EverShine

To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.

For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign

Shinchan1993

Level4

1.2K

逢星期五下晝放假，最開心就係可以喺少人啲嘅時間飲飲食食😊。呢次我就揀咗一間想去好耐嘅餐廳「EverShine」食個Late Lunch。餐廳位置有少少隱蔽，因為喺小巷，但其實地理上算幾方便，上環定中環方向過去都近，我相信午餐時間會好爆場。小店面積唔大，室內位置主要係廚房同收銀櫃，再加多幾張迷你咖啡枱☕️。不過幸好舖頭連埋一個半露天嘅室外天井位置，咁就可以提供到多大約廿個座位。天井位一般比較陰暗，但經店主悉心佈置後就搖身一變成為小花園🌸。呢度嘅食物款式比想像中多，而且並唔係只提供輕食，正餐選擇亦唔少，適合打工仔食飽飽。輕食方面，則有乳酪、沙律、小食同甜品等，每款均列出卡路里、蛋白質同碳水化合物嘅含量，令注重健康嘅人食得放心👍。飲品方面，☕咖啡、茶品、鮮奶同特飲等一應俱全，應該總有一款啱飲。紅肉火龍果乳酪碗($74)，Smoothie Bowl係近期大熱嘅健康菜式，我想食呢種乳酪多時，但仲係一次都未食過🙈。呢度有四款口味，店主話其實味道上分別唔太大，主於係用料同視覺色彩上有啲唔同。我就揀咗顏色最鮮艷嘅紅肉火龍果💕。乳酪本身無落到糖，甜味主要係來自水果同果乾嘅甜味。🍓🍌水果有士多啤梨、藍莓同香

Read full review

26 views

0 likes

0 comments

逢星期五下晝放假，最開心就係可以喺少人啲嘅時間飲飲食食😊。呢次我就揀咗一間想去好耐嘅餐廳「EverShine」食個Late Lunch。餐廳位置有少少隱蔽，因為喺小巷，但其實地理上算幾方便，上環定中環方向過去都近，我相信午餐時間會好爆場。

小店面積唔大，室內位置主要係廚房同收銀櫃，再加多幾張迷你咖啡枱☕️。不過幸好舖頭連埋一個半露天嘅室外天井位置，咁就可以提供到多大約廿個座位。天井位一般比較陰暗，但經店主悉心佈置後就搖身一變成為小花園🌸。

369 views

2 likes

0 comments

呢度嘅食物款式比想像中多，而且並唔係只提供輕食，正餐選擇亦唔少，適合打工仔食飽飽。輕食方面，則有乳酪、沙律、小食同甜品等，每款均列出卡路里、蛋白質同碳水化合物嘅含量，令注重健康嘅人食得放心👍。

356 views

0 likes

0 comments

飲品方面，☕咖啡、茶品、鮮奶同特飲等一應俱全，應該總有一款啱飲。

紅肉火龍果乳酪碗($74)，Smoothie Bowl係近期大熱嘅健康菜式，我想食呢種乳酪多時，但仲係一次都未食過🙈。呢度有四款口味，店主話其實味道上分別唔太大，主於係用料同視覺色彩上有啲唔同。我就揀咗顏色最鮮艷嘅紅肉火龍果💕。乳酪本身無落到糖，甜味主要係來自水果同果乾嘅甜味。🍓🍌水果有士多啤梨、藍莓同香蕉，🍠而脆脆嘅蕃薯同紫薯薄片就能大大提升乳酪嘅口感。乳酪造型好靚不在話下，整體味道更相當唔錯，最重要係乳酪自身唔係酸嗰種，因此好易入口。

慢煮雞胸肉拌薑黃椰菜花配柚子醋($76)，呢個菜式令人印象深刻，亦係低卡之選。講起雞胸，我第一時間就會諗起C朗😹或者肉質好鞋，但利申返我自己好鍾意食，因為啖啖肉。而呢度嘅🐔雞胸口感更有別於傳統般咁柴，反而係富有彈性，就咁食係無乜味，所以搭配嘅柚子醋大派用場，酸酸的好開胃🍊。作為另一主角嘅薑黃椰菜花亦好出色🥦，香料味香而不膩。黃薑飯食得多，但用上切碎咗嘅椰菜花取替就較少見，估唔到呢個組合咁夾，我非常欣賞呢道菜式！

香煎比目魚配檸檬牛油汁伴意粉($82)，呢碟意粉造型上較前兩道菜平實。🐟比目魚長長一大塊，連皮煎得幾香脆，肉質嫩滑，但留意返佢係有骨的。🍝意粉份量好多，兼且煮得Q彈有嚼勁，而檸檬牛油汁更係菜式嘅精髓。個人特別偏愛檸檬味嘅醬汁，酸味令人格外醒神🍋，再混合埋牛油，兩者相輔相成，令意粉既爽身又帶點油香。

咸蛋黃羅勒雞翼($38/3隻)，🍳咸蛋黃汁淋上煎雞翼上面，醬汁滲透均勻，同時佢亦做到「沙礫」般嘅效果，滋味無窮🤤；伴旁嘅沙律菜更加讓我哋可以將醬汁食到一乾二淨。

男神($58/壺)，呢度有各款特別茶品，我哋所揀嘅款式係紫藍色調💜，非常型格。茶料包括碟豆花、薄荷、檸檬同無忘我，飲落幾清涼🌿。高炒角度先發現原來呢度個杯係心形㗎。

9 views

0 likes

0 comments

題外話，小店嘅店主Mable超好人😍，佢用心對待每一位客人。我哋由一入座以至離開，整個過程都覺得好舒服。言談間你會感受到佢所講嘅願景，真係能夠一一喺餐廳呈現出嚟，絕對唔係自吹自擂。呢度定價經濟實惠，仲要唔收加一服務費添！

8 views

0 likes

0 comments

總括嚟講，基本上EverShine喺各方面都係無可挑剔💯，店內食物全部有花過心思去配搭，無論健康食材、味道、賣相以至價錢方面，佢都拿捏得恰到好處，從而讓食客用合理嘅價錢，享用到既美味又健康嘅打卡食品😋。我仲想講呢餐更令我一改「健康食品等如淡而無味」嘅刻板印象。餐廳星期一至日都開，不過唔做晚市；地方雖小，但亦可作場地提供搞工作坊或小型派對，小店絕對值得支持，推介🌟！