Steak Bar (Moved) New Location

小妹尋日先食完，今日就已經好想打一篇食評讚歎一下個吉列炸牛扒，真係好好味，絕無誇張！餐廳係朋友搵嘅，朋友表示早排留意到雜誌介紹，一直想一試，於是今個月嘅每月一聚就揀左佢🤘🏻餐廳位置好好搵，因為正正就係蘭桂坊嘅中心！好彩小妹一早訂定位，因為餐廳座位唔多，真係建議先訂位！人齊入座～Menu有六個餐可以揀，小妹梗係聽朋友話叫吉列炸牛扒🙈🙈🙈一黎到，小妹已經嘩左一聲！賣相未免太靚啦！炸過嘅牛扒，入面嘅牛肉，其實仲係生嘅，所以客人可以因應個人生熟喜愛，自己煎❤️小妹好怕明明我叫七成熟，結果餐廳煎到welldone俾小妹！所以可以自己煎，自己控制，真係岩哂小妹心意呀😘七成熟🤘🏻咬落去岩岩好，而且牛扒無咩筋，食落去有少少入口溶嘅滑🤘🏻🤘🏻🤘🏻真係超好味😋配埋個飯一齊食，真係不得了！小妹成日餐清晒😤同行另一個朋友就試煎魚～魚塊超大塊，小妹淺嚐左一口魚，魚肉好滑，煎到好香口！不過同起吉列炸牛扒比，吉列炸牛扒更合小妹胃口🤩🤩🤩同場，加左一份芝士粉薯條❤️超多芝士粉，配即炸薯條，真係超香脆🤩🤩🤩減緊肥嘅小妹都一再encore🤣🤣