琥酌 (Moved) New Location

今晚約左個朋友來到這間位於尖沙咀、專食吉列牛的餐廳食飯。雖然價格偏貴，但絕對物超所值。係侍應極力推薦下，我同朋友叫左頂級安格斯牛吉列御膳，外皮十分脆，牛肉味唔算樓好濃，但入口即溶。餐廳配的三款醬係鹽燒汁、岩鹽、芥末，但基本唔點已經好好食，但個人認為芥末最能帶出牛味，相反岩鹽會太咸，反而食唔出牛味。同樣地，我地亦試下其他吉列炸物，所以點左個拼盤，分別有廣島蠔、蝦同薯餅。我個人反而覺得薯餅最好食，薄薄的吉列脆配合薯肉，口感最為豐富。至於魚生飯都唔錯，魚生種類同份量都多，魚生亦好新鮮，珍珠米彈牙。