Video
Read full review
2018-12-15
473 views
呢間吉豬不得了，要鑽入後巷先發現到佢（後來先發現其他人都係響大街落樓梯入嚟，走時行上去睇發現後巷位介似正門多啲😂）六點尾入店發現只有三枱客，成間店都冇人，跟住坐底咗一陣發現原來全部枱都係已預留，好彩朋友醒目book咗位😌每人叫咗個吉列set，數量限定嘅肉眼，包搭含肉餅/豬柳/西冷三款嘅full house，一次就可以試哂全部款兼攻頂。而呢度用嘅都係熟成豬扒，望落帶點粉色食落又特別嫩口，炸粉幾薄食落脆口唔油膩。最好味一定係肉眼，超軟彈又多肉汁而且富有油香，然後西冷都唔錯，相比之下肉質紮實少少，油香輕啲取而代之個肉味濃啲，係另一方面嘅極端地好，而最驚喜係個芝心肉餅，初時以為係芝心豬扒，原來係類似漢堡扒咁，但肉質超級鬆軟好很正，至於豬柳就普通料啦，同出面日本餐廳食果啲差唔多，可以叫full house試下但淨叫豬柳就免喇😌除咗吉豬之外，定食周邊質素都唔差，個湯有用豬肉片一齊煲夠誠意，仲有漬物同椰菜絲，菜絲清甜，沙律汁都有芝麻醬同油醋汁揀，油醋汁仲帶啲類似黑椒定蒜味等幾香下，搭多一球仔薯飯沙律，明明網絡只係一頭薯蓉但係又超好食，係日本仔先整到😂 而白飯係好軟腍配脆脆嘅吉豬食效果好好✨其實佢仲有
每人叫咗個吉列set，數量限定嘅肉眼，包搭含肉餅/豬柳/西冷三款嘅full house，一次就可以試哂全部款兼攻頂。而呢度用嘅都係熟成豬扒，望落帶點粉色食落又特別嫩口，炸粉幾薄食落脆口唔油膩。
最好味一定係肉眼，超軟彈又多肉汁而且富有油香，然後西冷都唔錯，相比之下肉質紮實少少，油香輕啲取而代之個肉味濃啲，係另一方面嘅極端地好，而最驚喜係個芝心肉餅，初時以為係芝心豬扒，原來係類似漢堡扒咁，但肉質超級鬆軟好很正，至於豬柳就普通料啦，同出面日本餐廳食果啲差唔多，可以叫full house試下但淨叫豬柳就免喇😌
除咗吉豬之外，定食周邊質素都唔差，個湯有用豬肉片一齊煲夠誠意，仲有漬物同椰菜絲，菜絲清甜，沙律汁都有芝麻醬同油醋汁揀，油醋汁仲帶啲類似黑椒定蒜味等幾香下，搭多一球仔薯飯沙律，明明網絡只係一頭薯蓉但係又超好食，係日本仔先整到😂 而白飯係好軟腍配脆脆嘅吉豬食效果好好✨
其實佢仲有好多小食例如豬肝醬同豬雜煮等，但其實食完個set都已經幾飽食唔落囉😂 唯一係差唔多全部set都要成百尾到二百頭好似有啲貴，但響中環個質素又咁高都算係咁啦，值得一食嘅✨
Post
