銀座蔵人 (Closed)

是日同同事慶祝生日，幾個女仔，一早訂位，一上到去，即刻有位！不過… 一早訂左5個人，點解畀個4人位我地呢﹖而且佢啲餐全部都大大盤，搞到我地坐得逼左啲。我地大部份都叫左021號餐「五目飯味噌酒粕湯定食」($88)。有麪豉湯，刺身，天婦羅同五目味飯。好唔好食呢﹖OK啦，尼個餐勝在咩都有啲，有熱又有凍，係尼啲陰晴不定嘅天氣之下食下都唔錯。個湯好明顯係味精湯，但味精湯得嚟又唔算太過份，個飯睇個名就知係淡味嘅飯，而蝦刺身就幾新鮮，三文魚刺身不過不失。要讚嘅係個 wasabi唔係好假一味超攻鼻果啲，係有wasabi味嘅wasabi。最後有個小小地嘅綠茶雪糕同一杯嘢飲。用$88食個午餐係貴左啲，但以食物內容嚟計都值嘅，不過都係有事慶祝「食好少少」先至會去。