C+ Bar & Cuisine (Closed)

我阿姐見我地幾個同事做得辛苦，佢久不久都會請我哋食lunch。 c+ bar 有得定位, 星期五我哋通常都會揀呢度，唔使等位又唔怕無位。最近少咗嚟食，啲套餐嘅價錢有啲加左價，即係冇乜平嘢食。雞胸扒都要 $108，質素同味道都係好普通，好彩唔使加一。餐湯嘅羅宋湯，一向都係我最喜歡飲嘅，不過近來質素好飄忽，好似今日咁個湯就好淡好水。寶雲酥焗⋯⋯其實就係好似有啲麵包糠係個面度，但係一切就會散晒，而且雞胸肉好嚡。雞肉冇乜鮮味，加上伴菜都係急凍味道，炸薯條OK。加＄18一杯金莎朱古力沙冰，感覺就好正。