留家廚房

Open Now

Now Closed

WFH咗八個月，今日返公司既目的就係要食同事既farewell lunch，係灣仔工作咗四年多，都未試過呢間。睇吓menu，原來都幾多選擇，有午市套餐、又可以散叫點心，見到有個四人餐包一款前菜、兩款點心、三款小菜、每位一客湯、一碗飯及甜品，都只係$518，其實都幾抵。前菜：頭抽炒粟米粒 - 特別、街外少見湯：木瓜雪耳湯 - 似屋企煲既湯點心：蝦餃、黑松露燒賣 - 正常既點心小菜：菠蘿咕嚕肉 - 咕嚕肉粉薄，每件剛剛一口，酸甜適中。蒜蓉炒菜心 - 唔係hea 野，堅有好多蒜粒，菜夠嫩。香椒肉碎炆冬瓜 - 好少咁樣食冬瓜，微辣，肉碎撈飯一流。甜品：紅豆沙 - 起沙又唔會太甜整體來講每樣都唔錯。