八月花 (Moved) New Location

一家人做冬原本諗住去番八月居，但自己遲Book所以冇位，咁就試下八月花啦！打去Book時已經問定需唔需要order定某啲菜先，佢哋話唔洗呀，食頭圍嚟到叫一定有。咁好啦，點知我哋想叫佢哋個名菜富貴雞真係售罄喎！咁叫其他囉，BB豬、洛神花豚肉骨、叉燒、炒鮮奶等等。BB豬先嚟，呢次比預期差太遠喇，竟然唔熱嘅，舖底個醬又唔足夠。之後就上叉燒，咁叉燒又不過不失嘅，都算肥瘦適中。而個洛神花豚肉骨同八月居比就真係差好遠，啲骨完全唔入味。另外想順帶一提，嗰度啲staff比我感覺好似唔係太想做咁，下次如果八月居Full咗，真係唔好退而求其次~