Video
Read full review
2022-10-18
8336 views
好耐無食放題，星期五喺觀塘返學，六點放學可以食下嘢，觀塘嘅放題好多都結業，見鱷魚恤中心呢間放題之前食過喺同區另一間都食過唔錯，呢間未食過試下都好。準時6:30分，訂咗枱唔使等，二人枱都唔算細，由三張枱合併，中間有防疫板隔住，分開一半即係有1.5張枱嘅闊度。食物質素真係麻麻，可以講有啲失望。有漏單情況，壽司，串燒，一品料理差唔多同一時間落單，最後用咗25分鐘到咗串燒類，我仲要驚太多，每款只有一件，即係25分鐘只嚟咗4件食物，眼見兩邊客人都擺滿食物，問職員先知原來無咗張單。最後8:00前落單我哋臨尾都係點咗三款刺身，每款6件，但係全部減半比我哋。刺身新鮮程度一般，order赤蝦，其中一半份量會轉咗第二款。壽司種類都多，飯唔好食。梅醬帶子，喺帶子上加酸嘅梅醬有啲怪。自取吧食物唔錯，蝦同蜆都新鮮，豬手都入味，辣花螺唔辣同埋煮得太耐，好淋。牛舌少少煙韌，菠蘿幾甜。天婦羅普通，不過獅子狗裏面有芝士，好味。炸蠔炸得太耐，好硬，雞翼都有少少乾。黑椒蜜汁一口牛同埋上湯露筍燴蝦球好味。薑蔥爆鱔球，泰式咖喱軟殼蟹，兩樣都係預早炸耐啲以保持脆啲口感， 軟殼蟹上咗好厚炸漿嚟炸，兩樣都炸到好硬，真係好難食。比目魚
刺身新鮮程度一般，order赤蝦，其中一半份量會轉咗第二款。
壽司種類都多，飯唔好食。梅醬帶子，喺帶子上加酸嘅梅醬有啲怪。
自取吧食物唔錯，蝦同蜆都新鮮，豬手都入味，辣花螺唔辣同埋煮得太耐，好淋。
牛舌少少煙韌，菠蘿幾甜。
天婦羅普通，不過獅子狗裏面有芝士，好味。
炸蠔炸得太耐，好硬，雞翼都有少少乾。
黑椒蜜汁一口牛同埋上湯露筍燴蝦球好味。
薑蔥爆鱔球，泰式咖喱軟殼蟹，兩樣都係預早炸耐啲以保持脆啲口感， 軟殼蟹上咗好厚炸漿嚟炸，兩樣都炸到好硬，真係好難食。
比目魚，鰻魚，帶子ok嘅，羊架好鞋。
黃金蝦，香草牛油煮大蜆，鯖魚，雞泡魚乾唔錯。
蟲草花烏雞湯好濃味，味精味唔重，好飲。
甜品麻麻。
即沖熱阿華田好飲。
Post
