南苑海鮮酒家

Open Now

Now Closed

平時同同事都係食西餐，噚日放工之後，我哋想試啲唔同嘅嘢，就揀咗呢間海鮮酒家。佢哋嘅炭燒乳豬絕對係今晚嘅亮點。擺盤好特別，有個豬頭，跟住豬嘅造型擺。乳豬皮燒得焦脆透亮，插落去仲聽到清脆嘅聲音，口感外皮酥脆，好好食！芝士龍蝦伊面睇落就好美味。龍蝦肉質好鮮美，配上濃郁嘅芝士，我哋每一啖都好享受，蝦肉仲好彈牙，口感非常好。沾咗芝士嘅伊面，好有咬勁，濃郁嘅芝士味，食到停唔到口。咕嚕肉炸得金黃酥脆，旁邊仲有好可口嘅菠蘿。肉質軟嫩多汁，酸酸甜甜，每一啖配埋菠蘿，口感更加好。油浸筍殼魚嘅外皮炸得好酥香，魚肉好軟滑，整體又唔會好油膩。呢道菜都係令人大讚嘅。我哋仲叫咗臘味炒芥蘭，臘味嘅咸香配埋炒芥蘭，真係好香又好食，芥蘭好新鮮。呢間舖頭嘅叉燒，我哋食完都大讚。叉燒醃得好入味，蜜汁配埋鮮嫩嘅肉，好香又好食。呢度每一道菜都非常好食，下次我仲要帶埋我家人嚟試試。