Video
Read full review
2023-04-02
722 views
沙田最近開咗壽司郎居酒屋，見到佢哋開張試業$36有3件大拖就諗住去試吓，點知原來一早已經賣晒(´๑•_•๑)不過一場嚟到就試吓啦～🍽食物佢哋嘅壽司選擇同壽司郎比較感覺差唔多，不過就多咗啲特色小食/菜式，所以我都講吓有邊啲印象特別深刻～👉🏻杉玉薯仔沙律 $48 6.5/10相信嚟得食嘅都會嗌呢個薯仔沙律，造型好得意，影完相之後就將佢倒落個碟到撈勻食，薯仔沙律球由甜薑、海苔粉、蝦乾包住，入面仲有流心蛋，不過調味偏鹹，鹹到餘韻係帶少少苦味👉🏻霧鎖玉龍藏仙山 $68 6.5/10個名好似好架勢，原來係鰻魚玉子同山藥泥一齊蒸，甜甜哋，但係冇乜層次，所有野嘅口感都好淋🫣唔係我中意嘅口感⋯👍🏻乾海老蜆肉拌鳥冬 $38 7/10蝦乾加蜆肉有淡淡海鮮味，烏冬質感彈牙，而且蜆肉數量都唔少～我哋揀左幾款自選壽司，講吓邊啲都值得試試：✨炙燒海膽牛油安康魚肝壽司 $30炙燒左嘅壽司好難唔好食🤭海膽鮮甜，安康魚肝係第一次食，但係完全冇怪味，可能都係被海膽嘅鮮甜蓋過咗～整體口感綿密✨圓鰭魚魚子醬赤蝦壽司 $38魚子醬鹹鮮味十足，赤蝦係一向嘅肉厚爽彈，放埋一齊估唔到咁夾，咬爆魚子醬仲會增加口感～✨炙燒昆布漬鰈魚鰭邊壽
🍽食物
佢哋嘅壽司選擇同壽司郎比較感覺差唔多，不過就多咗啲特色小食/菜式，所以我都講吓有邊啲印象特別深刻～
👉🏻杉玉薯仔沙律 $48 6.5/10
相信嚟得食嘅都會嗌呢個薯仔沙律，造型好得意，影完相之後就將佢倒落個碟到撈勻食，薯仔沙律球由甜薑、海苔粉、蝦乾包住，入面仲有流心蛋，不過調味偏鹹，鹹到餘韻係帶少少苦味
👉🏻霧鎖玉龍藏仙山 $68 6.5/10
個名好似好架勢，原來係鰻魚玉子同山藥泥一齊蒸，甜甜哋，但係冇乜層次，所有野嘅口感都好淋🫣唔係我中意嘅口感⋯
👍🏻乾海老蜆肉拌鳥冬 $38 7/10
蝦乾加蜆肉有淡淡海鮮味，烏冬質感彈牙，而且蜆肉數量都唔少～
我哋揀左幾款自選壽司，講吓邊啲都值得試試：
✨炙燒海膽牛油安康魚肝壽司 $30
炙燒左嘅壽司好難唔好食🤭海膽鮮甜，安康魚肝係第一次食，但係完全冇怪味，可能都係被海膽嘅鮮甜蓋過咗～整體口感綿密
✨圓鰭魚魚子醬赤蝦壽司 $38
魚子醬鹹鮮味十足，赤蝦係一向嘅肉厚爽彈，放埋一齊估唔到咁夾，咬爆魚子醬仲會增加口感～
✨炙燒昆布漬鰈魚鰭邊壽司 $30
平時去食壽司郎一定會嗌鰈魚鰭邊，因為佢油脂豐富，今次呢件都冇失望，炙燒過一放入口即刻食到濃濃油脂香氣
✨特玉(盛合）$158 7.5/10
【大吞拿魚魚腩/炙燒大吞拿魚腩/中吞拿魚腩/鯛魚/赤蝦/赤貝/特大帆立貝/鰻魚】
呢個set有8件壽司，雖然全部都係喺壽司郎會食得到嘅😂但係CP值算幾高！同埋大拖肥美冇筋，係壽司郎岩岩開張嘅水準
另外仲食左：
👉🏻乾杯三文魚親子腐皮壽司 $30
👉🏻炙燒藍鰭大吞拿魚腩 $30
👉🏻超滿足炙燒 $33
【三文魚/海鰻/鹽醋漬鯖魚】
👉🏻鰻魚玉子卷 $33
本身冇諗住特別講，但係佢嘅紫菜淋晒，韌到好似擺左幾日咁
👉🏻超滿足海鹽檸檬 $33
【油甘魚/鯛魚/魷魚】
無論係海鹽定檸檬味都唔突出，同普通壽司冇乜分別，但係肉質係新鮮嘅～
👉🏻大啖滿足茶碗蒸 $28
👉🏻南蠻炸雞 $42
⛩環境
👍🏻座位闊落，環境光猛，以木系作為主調，整體坐得舒服，仲有好多日本特色畫作裝飾
💁🏼♀️服務
👍🏻員工親切友善，會講解某啲菜式嘅食法
📝總評 7/10
食物質素正常，但係會忍唔住成日將佢同壽司郎比較😂覺得壽司質素好似差唔多咁，但係價位就唔相似啦～同埋唔值得排咁耐食🫣如果唔使排隊都會考慮吓嘅～
👛人均消費 ~$220(連加一服務費)
⏱100分鐘
Post
